Yowanane 11:4 - MUKANDA WA MYIDI MUKULU

⁴ Yezu mumane kumvua lumu elu, kuambaye ne: — Disama dia Lazare ki ndia lufu to. Didi bua kuleja mudi bukole bua butumbi bua Mvidi Mukulu, kabidi bua kutumbisha Muana wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakunvua Yesu dî edi, wakamba ne, Edi kadiena disama dia lufu, kadi didi bualu bua butumbi bua Nzambi ne bua Muana wa Nzambi kutumbishibueye.

Yowanane 11:4 ပူးပေါင်းရင်းမြစ်များ

Ekesode 16:7

Kadi dinda nenumone butumbi buende, bualu mmumane kumvua munudi numujana. Tuetu katuena bakumbane nansha bua nutujane.

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 11:40

Yezu kumuandamuna ne: — Tshivua mukuambile ne: wewe muitabe, neumone butumbi bua Mvidi Mukulu anyi?

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 17:10

Bionsu bindi nabi mbiebe. Kabidi bionsu biudi wewe nabi mbianyi meme. Butumbi buanyi budi bumueneka munda muabu.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 8:54

Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

Yowanane 9:24

Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Yowanane 9:3

Yezu kubandamuna ne: — Bufofu ebu ki mbufumine ku bubi buende nansha ku bubi bua baledi bende to. Kadi udi mpofu bua midimu ya Mvidi Mukulu imuenekele kudiye.

Rome 11:11

Nanku ndi ngebeja kabidi ne: diba divua bena Yuda balenduke, bavua badishinda bua kulala panshi kashidi anyi? Nansha kakese! Kadi bua tshilema tshivuabu benze, bantu ba bisamba bikuabu kupeta lupandu, bua bena Yuda babakuatshile lubabu,

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.