Yowanane 10:8 - MUKANDA WA MYIDI MUKULU

⁸ Bonsu bavua badianjidile kumpala kuanyi mbivi, kabidi mbena mutshima. Kadi mikoku kayivua mibateleje.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bonso bakalua ku mpala kuanyi badi bibi ne banyengi; kadi mikoko kayakunvua dî diabo.

Yowanane 10:8 ပူးပေါင်းရင်းမြစ်များ

Yirmeya 23:1

Maweja-Nangila udi wamba ne: “Balombodi ba bantu banyi mbena diakabi. Badi balami babi ba mikoku, badi banyisha bua mikoku yanyi inyane, ipambuke.”

Yezekiyele 34:2

— Muntu, kanyina bamfumu ba bena Izrayele, ubamanyishe mikanu indi mbakanyina nayi meme Maweja-Nangila. Ndi mbambila ne: “Nuenu balami ba mikoku ba bena Izrayele, nudi bena diakabi. Nudi badivuluke amu nuenu nkayenu! Balami kabena ne bua kudisha mikoku anyi?

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Zekâya 11:16

Bualu ndi musue kutuma mulami mukuabu wa mikoku mu ditunga: kakutangila mikoku idibu bakeba kushipa, kakukeba idi mijimine, kakuondapa idibu batape, kakudisha itshidi mishale ne bukole. Kadi neadie munyinyi wa idi ne manyi; neayiboze bikonu, bua kayinyemi.

Yowanane 10:1

— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Yowanane 10:5

Kadi kayena mua kulonda muntu udiyi kayiyi mimanye. Neyimunyeme kule, bualu kayena mimanye diyi diende.

Bienzedi 5:36

Matuku makese aa, Teyudase kupatuka, udiamba mudiye muambi wa Mvidi Mukulu. Bantu bu nkama inayi kumuitaba. Kadi kumushipabu. Bonsu bavua bamuitaba, kutangalaka. Lumu lua tshisumbu tshiende kujika.