Yowanane 10:32 - MUKANDA WA MYIDI MUKULU

³² Ke Yezu kubambila ne: — Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?

Mukanda wa Nzambi Dihungila Dikulukulu ne Dihungila Dihia-dihia 2003

³² Yesu wakabandamuna ne, Nakunulesha malu mimpe a bungi a Tatu anakuenza, nudi nungelela mabue bua muanda kai unakuenza?

Yowanane 10:32 ပူးပေါင်းရင်းမြစ်များ

Misambu 35:12

Badi bampingajila bibi pa bimpe, tshiyi ne udi ungakuila!

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Yirmeya 37:18

Pashishe, Yirmeya kukonka mukalenga Sedekiya ne: — Ntshilema kayi tshindi mukuenzele, nansha tshindi muenzele balombodi bebe ba bena mvita, nansha bantu ba mu tshimenga etshi, bua wewe kungelesha mu nzubu wa lukanu?

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Yowanane 10:25

Yezu kubandamuna ne: — Nkadi mumane kunuambila bualu ebu, kadi kanuena nungitaba to. Midimu indi nkuata ne bumfumu bua Tatu wanyi, idi injadikila bulelela.

Yowanane 10:31

Bena Yuda kuambula tshiakabidi mabue bua kumuasa.

Yowanane 10:33

Bena Yuda kuandamuna ne: — Katuena basue kukushipa ne mabue bua mudimu muimpe uudi ukuata, kadi bualu udi usendeka Mvidi Mukulu. Wewe udi amu muntu, kadi udi musue kudienza Mvidi Mukulu.

Yowanane 10:37

Pandi tshiyi nkuata midimu ya Tatu wanyi, kanuena ne bua kungitaba to.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.