Yowanane 10:27 - MUKANDA WA MYIDI MUKULU

²⁷ Mikoku yanyi idi iteleja diyi dianyi. Ndi muyimanye. Idi indonda.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mikoko yanyi idi yunvua dî dianyi, ndi muimanye, idi indonda;

Yowanane 10:27 ပူးပေါင်းရင်းမြစ်များ

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

Yeshaya 66:22

Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 25:12

Kadi musedianganyi kuandamuna ne: “Ndi nnujadikila bulelela ne: tshiena munumanye to.”

Matayi 7:23

Kadi dituku adi, nembajukuile ne: “Meme tshiena munumanye to! Nudi bena buenzayi! Umbukayi kundi!”

Marke 10:21

Yezu kumutangila, kumunanga, umuambila ne: — Bualu bumue butshidi bukushale. Uye, upane bionsu biudi nabi, upeshe bapele makuta, nanku neupete bubanji mu diulu. Pashishe Ulue, undonde meme.

Marke 8:34

Pashishe Yezu kubikila bantu ne balongi bende, kubambila ne: — Padi muntu musue kulua kundi, kaditu mushinga, ambule mutshi wende mutshiamakane, andonde.

Luke 13:27

Kadi mfumu neanuambile ne: ‘Tshiena mumanye kunudi nufuma to. Umbukayi apa, nuenu bonsu benji ba malu mabi!

Luke 9:23

Kubambilaye kabidi bonsu ne: — Padi muntu musue kuya nanyi, kakebi amu bidi bimulengelela yeye. Ambule mutshi mutshiamakane ku dituku ku dituku, andonde.

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Yowanane 10:16

Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue, tshikale ne mulami amu umue.

Yowanane 10:8

Bonsu bavua badianjidile kumpala kuanyi mbivi, kabidi mbena mutshima. Kadi mikoku kayivua mibateleje.

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Yowanane 21:22

Yezu kumuandamuna ne: — Meme musue bua ashale ne muoyi too ne pangapingana tshiakabidi, mbualu buebe anyi? Wewe, undonde!

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yowanane 8:43

Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Bienzedi 3:23

Muntu yonsu wabenga kuitaba muambi awu, nebamuipate mu tshisamba tshia bantu ba Mvidi Mukulu, bamushipe.”

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Ebrewu 3:7

Ke mudi Mueyelu wa Tshijila wamba ne: “Nuenu bumvue diyi dia Mvidi Mukulu lelu,

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.