Yowanane 10:14 - MUKANDA WA MYIDI MUKULU

^14-15 Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ndi mulami muimpe wa mikoko; ndi mumanye yanyi, yanyi idi minmanye,

Yowanane 10:14 ပူးပေါင်းရင်းမြစ်များ

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Nahume 1:7

Maweja-Nangila udi ne muoyi muimpe. Badi mu dikenga, badi mua kusokomena kudiye. Badi banyemena kudiye, udi ubalama bimpe,

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yowanane 10:13

Udi unyema, bualu mmuena mudimu udi ukeba difutu. Kena bualu ne mikoku to.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

Didimanyisha 2:19

Ndi mumanye bionsu biudi wenza. Ndi mumanye muudi munnange, mungitabe ne muoyi umue, munkuatshile mudimu ne tshisumi, muikale kabidi ne lutuulu. Ndi mumanye mudi midimu yebe ya matuku aa mipite ya mbangilu.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!

Didimanyisha 3:1

— Fundila mutumibue wa Tshisumbu tshia bena ditaba ba mu Sardeze ne: “Udi ne mieyelu muanda mutekete ya Mvidi Mukulu, ne mitotu muanda mutekete, udi wamba ne: Ndi mumanye bionsu biudi wenza. Ndi mumanye mudi bantu bela meji ne: udi ne muoyi, eku wewe mufue.

Didimanyisha 3:15

Ndi mumanye bionsu biudi muenze. Ndi mumanye ne: kuena nansha ku mashika nansha ku luya. Ndi njinga bikole bua wikale nansha ku tshimue tshia ku bibidi eku!

Didimanyisha 3:8

Ndi mumanye bionsu biudi wenza. Ndi mumanye mudi bukole buebe bukese. Kadi nansha wewe mutekete, udi mulame amu muaku wanyi, kuyi unwila. Ndi mukukanguile tshiibi tshidi muntu nansha umue kayi mua kukanga.