Yowanane 1:6 - MUKANDA WA MYIDI MUKULU

⁶ Mvidi Mukulu uvua mutume muntu wende, dina diende nYowanane.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muntu wakalua, mutuma kudi Nzambi, dina diandi Yone.

Yowanane 1:6 ပူးပေါင်းရင်းမြစ်များ

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Matayi 11:10

Yowanane ke udibu bamba mu Mukanda wa tshijila ne: “Meme Mvidi Mukulu, ndi ntuma muntu wanyi kumpala kuebe, bua akulongoluele njila.”

Matayi 21:25

Yowanane, udi mumutume bua kutua bantu mu mayi, Mvidi Mukulu anyi mbantu? Kadi kuelanganabu meji munkatshi muabu nkayabu ne: — Tuetu bandamune ne: “mMvidi Mukulu nguvua mumutume,” neatuebeje ne: “Kadi kanuena bitabe Yowanane bua tshinyi?”

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Luke 1:76

Kadi wewe, muananyi, nebakuinyike ne: mmuambi wa Mvidi Mukulu Muena kulu. Bualu neudianjile kumpala kua Mfumu, bua kumulongoluela njila,

Yowanane 1:33

Tshivua nansha muanji kumumanya. Kadi Mvidi Mukulu uvua muntume bua kutua bantu mu mayi, uvua mungambile ne: “Muntu uwamona Mueyelu wa Tshijila upueka, umuikila, Yeye awu ke udi utua bantu mu Mueyelu wa Tshijila.”

Yowanane 3:28

Nudi mua kujadika mumvua munuambile ne: “Tshiena Meshiya, kadi bavua badianjila kuntuma kumpala kuende.”

Bienzedi 13:24

Yezu kayi muanji kufika, Yowanane kubela bantu bonsu bua badilengeje, babatue mu mayi.