Yowanane 1:38 - MUKANDA WA MYIDI MUKULU

³⁸ Yezu ukudimuka, kubamonaye bamulonda. Kubakonkaye ne: — Tshinudi nukeba ntshinyi? Bobu kumuandamuna ne: — Rabi (mmomumue ne “Mulongeshi”), utu usomba penyi?

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Yesu wakatshinguluka, wakabamona bamulonda, wakabakonka ne, Nudi nukeba tshinyi? Bakamuebesha ne, Labi (kukudimuna kua muaku ne, Muyishi), wewe udi wikala kudi kunyi?

Yowanane 1:38 ပူးပေါင်းရင်းမြစ်များ

1 Bakalenga 10:8

Bena mudimu bebe ne bantu badi mu nzubu webe wa bukalenga mbena diakalenga! Bualu udi nabu matuku onsu. Badi bumvue meji ebe ne lungenyi luudi nalu.

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Nsumuinu 8:34

Bantu badi banteleja, badi bimana dituku dionsu ku tshiibi tshianyi, batshishila ku nzubu kuanyi, mbena diakalenga.

Muadi 5:19

Kadi wewe, Maweja-Nangila, udi mukalenga bua kashidi, udi mfumu kashidi ne kashidi tshiendelele.

Luke 10:39

Mukaji awu uvua ne muanabu, diende Mariya. Ke Mariya kuya kusomba ku makasa a Mfumu, uteleja bivuaye ulongesha.

Luke 14:25

Bantu ba bungi bavua baya ne Yezu mu njila. Yezu utangila kudibu, kubambilaye ne:

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Luke 19:5

Yezu ufika muaba awu, kutangilaye kulu, wambila Zakayi ne: — Zakayi, tuluka lukasa, bualu lelu ndi muebe.

Luke 22:61

Nanku Mfumu kukudimuka kudi Petro, kumutangila talalaa. Ke Petro kuvuluka tshivua Mfumu mumuambile ne: “Lelu tshitala katshiyi tshianji kusama, newikale mumane kumvila misangu isatu ne: tshiena mumumanye.”

Luke 8:38

Muntu uvua mikishi mibi mishiye, kusengelela Yezu bua baye nende. Kadi Yezu kumupingaja kuabu, wamba ne:

Yowanane 1:37

Balongi babidi ba Yowanane bumvua muvuaye muambe amu, kulondabu Yezu.

Yowanane 1:39

Yezu kubambila ne: — Luayi, nenumone. Kuyabu nende. Kumonabu muaba uvuaye usomba. Kumusombeshabu dituku dijima. (Diba dikavua bu pa inayi wa dilolu).

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 12:21

Kuyabu kudi Filipe (uvua wa mu Betsayida mu Ngalileya), bamuambila ne: — Mukalenga, tudi basue kumona Yezu.

Yowanane 18:4

Yezu uvua mumanye bionsu bivua ne bua kumuenzekela. Ke kusemenaye kuvuabu, kubebeja ne: — Unudi nukeba nnganyi?

Yowanane 18:7

Ke Yezu kubakonka tshiakabidi ne: — Unudi nukeba nnganyi? Kuambabu ne: — Yezu wa mu Nazarete.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 3:26

Balongi kuya kudi Yowanane, kumuebeja ne: — Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!

Yowanane 4:31

Diba mene adi balongi kusengelela Yezu bua kudiaye, bamuambila ne: — Mulongeshi, anji ela kantu munda.

Yowanane 6:25

Kusanganabu Yezu dishiya dia dijiba. Kumukonkabu ne: — Mulongeshi, udi mufike apa diba kaayi?

Bienzedi 10:21

Nanku Petro kutuluka, kuya kuvua bantu abu, kubambila ne: — Ke meme unudi nukeba ewu. Tshinudi bavuile ntshinyi?

Bienzedi 10:29

Ke pandi mufike, paudi mumbikile, tshiyi mbenga. Nanku ndi nnuebeja ne: tshinudi bambikidile ntshinyi?

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.