Yowanane 1:27 - MUKANDA WA MYIDI MUKULU

²⁷ Udi ulua panyima panyi. Kadi tshiena nansha muakanyine kusulula nshinga ya bisabata biende.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ yeye mene ulualua ku nyima kuanyi, tshiena ne buakane bua kusulula mionshi ya bisabata biandi.

Yowanane 1:27 ပူးပေါင်းရင်းမြစ်များ

Genese 14:23

Tshiena mua kulenga kantu ka ku bianza biebe, nansha buanda, nansha nshinga wa bisabata, bualu udi mua kuamba ne: “Meme ke udi munemeshe Abrame.”

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Marke 1:7

Uvua umanyisha bantu bavule ne: — Kudi muntu udi undonda meme mu nyima, udi mumpite ku muanzu. Tshiena nansha mukumbane mua kuinama, bua kusulula nshinga ya bisabata biende.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Yowanane 1:15

Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Yowanane 1:30

Yeye ke umvua muambe ne: “Muntu udi ulua panyima panyi. Kadi udi mumpite meme. Bualu kabayi banji kundela, yeye ukavuaku.”

Yowanane 10:41

Bantu ba bungi bavua baya kudiye, bamba ne: — Yowanane kavua muenze tshishima nansha tshimue. Kadi bionsu bivuaye muambe bua muntu ewu mbilelela.

Bienzedi 13:25

Pavua Yowanane mumane kufika ku matuku ende a ndekelu panu, uvua ukonka bantu ne: “Nudi nuela meji ne: meme ndi nganyi? Tshiena unudi bindile awu to! Kadi unudi batekemene udi ufika munyima muanyi. Tshiena muakanyine nansha mua kukopola bisabata bia ku makasa ende.”

Bienzedi 19:4

Polu kubambila ne: — Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.