Yoshua 9:9 - MUKANDA WA MYIDI MUKULU

⁹ Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bakamuambila ne, Bahika bebe bakalua kule ku buloba bukuabo bualu bua dina dia Yehowa, Nzambi webe; bualu bua tuetu tuakunvua lumu luandi ne malu onso akenzeye mu Ejipitu,

Yoshua 9:9 ပူးပေါင်းရင်းမြစ်များ

1 Bakalenga 8:41

“Padi bantu batumbisha dina diebe dia butumbi, bamanyishangana bukole buudi wenza nabu bishima, bantu benyi nebumvue lumu alu. Nanku, muntu muenyi yonsu udi kayi wa mu tshisamba tshia bantu bebe bena Izrayele, padiye ufuma kule, ufika mu nzubu emu bua kukutendelela,

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Misambu 148:13

Tumbishayi Maweja-Nangila, bualu yeye nkayende ke udi ne dina dia lumu. Udi ne buneme pa buloba ne mu diulu.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 78:12

Uvua muenze malu a kukema ku mesu a batatuabu, mu ditunga dia Ejipitu ne mu buloba bua Sowane.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Ekesode 15:14

Bantu kumvua lumu alu, kuzakala! Bena Peleshete kukuatshika bowa.

Ekesode 9:16

Kadi ndi mukushiye ne muoyi, bua ujadike bukole buanyi, kabidi bua lumu luanyi lumanyike pa buloba bujima.

Yeshaya 55:5

Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Dibadika 14:15

Kadi mpindiewu wewe mubutule bena Izrayele bonsu musangu umue, bisamba bikuabu bivua bimane kumvua lumu lua bukole buebe, nebiambe ne:

Dibadika 20:14

Patshivua Moshe mu Kadeshe, kutuminaye mukalenga wa bena Edome bantu, bamuambila ne: — Tuetu bana benu bena Izrayele, tudi bakenge bikole. Wewe mene udi mumanye!

Bienzedi 8:7

Bualu mikishi mibi ya bungi ivua mikuate bantu, ivua ipatuka, yela mbila mikole. Bena tuneke bavule ne batebuki bavua basanguluka.

Dielulula 20:11

Pikala bena tshimenga atshi bitabe, banunzuluile biibi bia tshimenga, nebanukuatshile mudimu. Nenubenzeje midimu ku bukole.

Dielulula 20:15

Ke munudi mua kuenzela bimenga bionsu bidi kule, kabiyi mu ditunga dinuasomba.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Yoshua 9:16

Bobu bamane kutua nabu ndondu, matuku asatu apita, bena Izrayele kumvua muvua bantu abu bena mutumba nabu menemene.

Yoshua 9:17

Nanku bena Izrayele kuenza luendu lua matuku asatu, too ne mu bimenga bia bantu abu: ke tshimenga tshia Ngibone, tshia Kefira, tshia Beyerote ne tshia Kiriyate-Yeyarime.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.