Yoshua 9:13 - MUKANDA WA MYIDI MUKULU

¹³ Musangu utuvua bangate milondu eyi ya biseba bia nyama, bayuwuje ne maluvu itshivua amu mipiamipia. Kadi monayi lelu yonsu mmimane kupandika. Bilamba bietu ne bisabata bietu bidi bisunsuke bikole, amu bua luendu lua mutantshi mule lutuvua bende.

Mukanda wa Nzambi Dihungila Dikulukulu ne Dihungila Dihia-dihia 2003

¹³ ne milondo ei ya nvinyo ituakûsha tente yakadi mihia-mihia, kadi monai, yakahandika; ne bilulu ebi ne bisabata bietu biakakulakasha bualu bua luendu bakatamba bule.

Yoshua 9:13 ပူးပေါင်းရင်းမြစ်များ

Matayi 9:17

Kabidi kabena mua kuela maluvu a nwinyo mapiamapia mu milondu ya biseba mikulukulu to. Bualu milondu ya biseba neyitayike, maluvu apumuke. Nanku milondu neyinyanguke. Kadi bua kulama bionsu bibidi bimpe, badi bela maluvu mapiamapia mu milondu ya biseba mipiamipia.

Marke 2:22

Muntu kena wela nwinyo mupiamupia mu milondu ya biseba bikulukulu. Yeye muenze nanku, nwinyo mupiamupia neapande milondu, maluvu ne milondu nebijimine tshiapamue. Kadi bidi bimpe kuela nwinyo mupiamupia mu milondu ya biseba bipiabipia!

Luke 5:37

Muntu kena wela nwinyo mupiamupia mu milondu ya biseba bia kale. Bualu yeye muenze nanku, nwinyo mupiamupia neapande milondu ya biseba bia kale, nwinyo upumuka panshi, milondu inyanguka.

Dielulula 29:5

Kabidi kanuvua nukengela mampa a kudia, nansha maluvu a kunua. Maweja-Nangila kunupesha bionsu, mbua nuenu kujadika ne: Maweja-Nangila udi Mvidi Mukulu wenu.

Yoshua 9:12

Monayi mukadi mampa aa. Musangu utuvua baangate ku nzubu yetu bua kulua nawu kunu, atshivua amu ne luya. Kadi tangila mpindiewu, adi mume, kabidi masunsuke.

Yoshua 9:14

Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.

Yoshua 9:4

Nanku kumvuanganabu bua kushima bena Izrayele. Kuangatabu bintu bia kudia mu njila. Kuambuishabu nyama yabu ya mpunde, bibombi bia kale bimane kusunsuka, ne milondu ya kale ya biseba, ivua ne mvinyo, mipandike kabidi mitelakaje.

Yoshua 9:5

Kuvualabu mikusu, kuela bisabata bisunsuke bitelulula, kuangata mampa mamane kunyanguka, kabidi masunsuke.