Yoshua 9:1 - MUKANDA WA MYIDI MUKULU

¹ Bakalenga bonsu bavua base luseke ludi diba dibuelela lua musulu wa Yardene, bavua bumvue muvua bena Izrayele banyangakaje tshimenga tshia Ayi: ke bakalenga bonsu bavua ku mikuna, mu mpata, ne ku muelelu wa Mayi manene a pankatshi pa matunga, too ne ku Lebanone. Nanku bakalenga ba bena Iti, bena Amore, bena Kenaane, bena Perizi, bena Ivi ne bena Yebusa,

Mukanda wa Nzambi Dihungila Dikulukulu ne Dihungila Dihia-dihia 2003

¹ Kakunyua bakelenge bonso ba dia munemu dia Yadene, ku mikuna ne mu bibanda ne kukala kua mai manene ku mpala kua Lebanona, Bena Hiti ne Bena Amole ne Bena Kanâna ne Bena Pelizi ne Bena Hiwi ne Bena Yebuse, lumu elu;

Yoshua 9:1 ပူးပေါင်းရင်းမြစ်များ

2 Samuele 24:7

Kutungunukabu mu tshimenga tshia Tigre tshivuabu bakoleshe ne bimana, ne mu bimenga bionsu bivua bia bena Ivi, ne bena Kenaane, bua kufika ku Bersheba kuinshi mu ditunga, mu buloba bua bena Yuda.

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 34:6

“Ku luseke ludi diba dibuelela, mukalu wenu newikale Mayi manene a pankatshi pa matunga.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”

Dielulula 4:49

ditunga dijima dia luseke ludi diba dipatukila lua musulu wa Yardene, too ne ku Mayi manene a luepu, kuinshi kua mukuna wa Pisga.

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 1:4

Ditunga dienu nedialabale, biangatshile ku tshipela, kuinshi mu ditunga, too ne ku mikuna ya Lebanone ku mutu mu ditunga, biangatshile ku musulu munene wa Perate, luseke ludi diba dipatukila, dipitshila mu ditunga dia bena Iti, too ne ku Mayi manene a pankatshi pa matunga adi luseke ludi diba dibuelela.

Yoshua 10:23

Bena Izrayele kukumbaja bionsu abi. Kumutuadilabu mukalenga wa mu Yerushalayime, wa mu Ebrone, wa mu Yarmute, wa mu Lakishe, ne wa mu Eglone.

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 13:5

Nenukuate kabidi ditunga dia Ngebale, dia Lebanone didi luseke ludi diba dipatukila dia Baale-Ngade, kuinshi kua mukuna wa Ermone, too ne ku Lebo-Amate.

Yoshua 15:12

Mayi manene a pankatshi pa matunga ke awa enza mukalu wa luseke ludi diba dibuelela. Ke muvua mikalu ya buloba bua bena Yuda bilondeshile muvua meku abu nanku.

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Yoshua 22:7

Kubambilaye ne: — Pinganayi kuenu, ne bintu bionsu binudi bapete: bimuna, nkanu ya tshiamu tshitoke tshia mushinga mukole, biamu bia mpawungi, biamu bikunze, bifike, ne bilamba bipite bungi. Nanku nuabanyangane bintu bionsu, binudi banyenga baluishi betu ebi, ne bena bisamba bienu bakuabu. Bena tshitupa tshia tshisamba tshia Menashe,

Yoshua 23:4

Monayi mpindiewu, ndi mumane kuabanyina bisamba bienu maloba andi mutshinke. Maloba aa awa a bisamba bindi mumane kutshimuna, nansha a bisamba bitshidi bishala bua tuetu kubitshimuna. Bisamba ebi bidi pankatshi pa Yardene luseke ludi diba dipatukila, ne Mayi manene a pankatshi luseke ludi diba dibuelela.

Yoshua 24:11

Nuenu kusabuka Yardene, kufika mu tshimenga tshia Yeriko. Bena mu Yeriko kunuluisha. Bavua banuluisha kabidi kudi bena Amore, bena Perizi, bena Kenaane, bena Iti, bena Ngirgashi, bena Ivi, ne bena Yebusa. Meme kubafila bonsu mu bianza bienu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Yoshua 6:27

Maweja-Nangila uvua ne Yoshuwa. Lumu lua Yoshuwa luvua lutangalaka ditunga dijima.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.