Yoshua 8:8 - MUKANDA WA MYIDI MUKULU

⁸ Amu nuenu bamane kukuata tshimenga, nutshioshe bilondeshile diyi dia Maweja-Nangila. Nukumbaje menemene bindi nnuambila ebi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hanuanyenga musoko nenuwoshe ne kahia; nuenze bu mu dî dia Yehowa; monai, nakanuambila.

Yoshua 8:8 ပူးပေါင်းရင်းမြစ်များ

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Yoshua 1:16

Bena bisamba ebi kuandamuna Yoshuwa ne: — Netukumbaje bionsu biudi mutuambile. Netuye muaba onsu uudi ututuma.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.

Yoshua 8:13

Bena mvita bakuabu kuasa mitanda ku mutu kua tshimenga. Kadi bamue bena mvita bavua anu basokome luseke ludi diba dibuelela lua tshimenga. Butuku abu, Yoshuwa uvua mulale mu tshibandabanda.

Yoshua 8:2

Nenuenzele tshimenga atshi ne mukalenga watshi, anu bu munuvua benzele tshimenga tshia Yeriko ne mukalenga watshi. Kadi wewe ne bena mvita bebe bonsu, nenuangate bintu bionsu binuasangana mu tshimenga atshi too ne bimuna, bishale bintu bienu. Utume bantu panyima pa tshimenga baye kujikidila baluishi padibu kabayi banji kudilongolola.

Yoshua 8:22

Bena Izrayele bavua bamane kukuata tshimenga, kupatukabu pabu mu tshimenga bua kuluisha bena Ayi. Nenku bena Izrayele bavua babajikidila nseke yonsu, babalamina. Muntu nansha umue kuvua mua kunyema to. Kabidi kakuvua muntu uvua mua kushala ne muoyi.

Yoshua 8:28

Yoshuwa kuosha tshimenga atshi. Kushalatshi kashidi amu mushiki wa mabue, tshipela, too ne lelu.

Yoshua 8:7

Diba adi, nuenu nenujuke miaba inudi basokome. Nenukuate tshimenga, bualu Maweja-Nangila Mvidi Mukulu wenu udi munupatshi.

Yoshua 8:9

Yoshuwa kutuma bena mvita ku Ayi, ku muaba uvuabu basungule bua kubundila bena mu tshimenga. Bobu kuimana pankatshi pa tshimenga tshia Betele ne tshia Ayi, luseke ludi diba dibuelela lua tshimenga tshia Ayi. Yoshuwa uvua mulale mu mitanda muaba uvua bena mvita bakuabu bashale.

Balombodi 4:6

Dituku dikuabu, Debora kubikidisha Barake, muana wa Abinoyame, uvua usomba mu Kadeshe mu buloba bua Naftali. Debora kuambila Barake ne: — Teleja tshidi Maweja-Nangila Mvidi Mukulu wa bena Izrayele ukuambila bua kuenza: “Uye kusungula bantu balume binunu dikumi ku tshisamba tshia Naftali, ne tshia Zebulone. Uye nabu pa mukuna wa. Tabore.