Yoshua 8:35 - MUKANDA WA MYIDI MUKULU

³⁵ Yoshuwa kubadila bena Izrayele mikenji yonsu ya Moshe anu mushindu uvuaye muyifunde mu mukanda. Diba divuaye ubabadila, bena Izrayele bonsu bavuaku, kabidi ne bakaji, bana, ne benyi bavua munkatshi muabu, bavua amu bateleje.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.

Yoshua 8:35 ပူးပေါင်းရင်းမြစ်များ

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

Nehemya 8:3

Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Ekesode 12:38

Bantu bakuabu musumba munene, ba bisamba bishilangane, bavua ne bena Izrayele mu njila amu, kabidi ne bimuna bipite bungi: mikoku, mbuji ne ngombe.

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yowele 2:16

Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Dielulula 29:10

bana benu, bakaji benu, ne benyi badi basombe munkatshi muenu mu mitanda, badi bamunguila nkunyi, banusunyina mayi.

Dielulula 29:11

Maweja-Nangila Mvidi Mukulu wenu, udi utua nenu ndondu ewu mpindiewu. Udi unulomba bua nuditshipe ne: netukumbaje ndondu ewu.

Dielulula 29:9

Nuenu bena Izrayele, lelu nudi bimane bonsu kumpala kua Maweja-Nangila Mvidi Mukulu wenu, pamue ne bamfumu ba midimu mishilangane, bakulu ba ditunga,

Dielulula 31:12

Padibu bababadile mikenji nanku, bantu nebanemeke Maweja-Nangila Mvidi Mukulu. Nebakumbaje mikenji yende.

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.