Yoshua 8:29 - MUKANDA WA MYIDI MUKULU

²⁹ Pashishe kuelabu mukalenga wa Ayi kulu kua mutshi, kumowabu. Tshitalu tshiende kushala ku mutshi aku too ne ku dilolu. Pambi diba kubuela, Yoshuwa kutuma diyi bua batutete tshitalu atshi. Bavua batshimansha pabuipi ne tshiibi tshia tshimenga tshia Ayi. Pashishe kungujilabu mushiki wa mabue pa tshitalu atshi. Mabue awu atshidipu too ne ku lelu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bakowa mukelenge wa Ai ku mutshi tô ne ku dilolo; bakamba diba kubuela Yoshua wakamba ne, Batulule tshitalu tshiandi, bakatshiela ku mbelu kua tshibi tshia musoko, bakunguisha mushiki wa mabue ha mutu hatshi, udihu tô ne ku dituku edi.

Yoshua 8:29 ပူးပေါင်းရင်းမြစ်များ

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Misambu 107:40

Maweja-Nangila udi upepeja baneme, ubalekela balalakana mu tshipela, kabayi bamona njila.

Misambu 110:5

Maweja-Nangila udi ku diboku diebe dia balume. Neazaze bakalenga dituku dikalaye ne tshiji,

Yowanane 19:31

Dituku adi divua dia ditanu. Bena Yuda kabavua basue bua bitalu bishale pa mitshi mitshiamakane too ne dituku diabu dia Dikisha. Bualu dituku dia Dikisha adi divua dinene. Kulombabu Pilate bua kutshibulabu mikolu ya bavuabu bele ku mitshi mitshiamakane, ne bua kumusha bitalu ku mitshi.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

Yoshua 10:30

Maweja-Nangila kufila kabidi tshimenga atshi ne mukalenga watshi mu bianza biabu. Kushipabu bantu bonsu, kakuyi wa kushala ne muoyi. Bavua benzela mukalenga wa mu tshimenga atshi, muvuabu benzela mukalenga wa mu tshimenga tshia Yeriko.

Yoshua 10:33

Orame, mukalenga wa mu Ngezere, kufika bua kuambuluisha bena Lakishe. Kadi Yoshuwa kumutshimuna yeye ne bena mvita bende bonsu. Kubashipabu, kakuyi muntu wa kushala ne muoyi.

Yoshua 12:9

Bakalenga bavuabu batshimuna mu mvita bavua ba mu bimenga bitudi tutela ebi: Yeriko, Ayi, pabuipi ne Betele,

Yoshua 7:26

Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.

Yoshua 8:23

Kadi bavua bakuate ne muoyi anu mukalenga wa tshimenga tshia Ayi, bamufite kudi Yoshuwa.