Yoshua 8:23 - MUKANDA WA MYIDI MUKULU

²³ Kadi bavua bakuate ne muoyi anu mukalenga wa tshimenga tshia Ayi, bamufite kudi Yoshuwa.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bakakuata mukelenge wa Ai ne muoyo, bakalua nʼandi kudi Yoshua.

Yoshua 8:23 ပူးပေါင်းရင်းမြစ်များ

Yoshua 10:17

Kubasanganabu basokome mu lubinga amu. Kumanyishabu Yoshuwa.

Yoshua 10:22

Pashishe Yoshuwa kutuma diyi bua bumushe mabue a wabu bajibika ku mushiku wa lubinga, bapatule bakalenga batanu ba bena Amore, baye nabu kudiye.

Yoshua 8:22

Bena Izrayele bavua bamane kukuata tshimenga, kupatukabu pabu mu tshimenga bua kuluisha bena Ayi. Nenku bena Izrayele bavua babajikidila nseke yonsu, babalamina. Muntu nansha umue kuvua mua kunyema to. Kabidi kakuvua muntu uvua mua kushala ne muoyi.

Yoshua 8:24

Bena Izrayele bavua bashipa baluishi babu munkatshi mua mpata, muaba uvua baluishi abu babalondakaja. Bobu bamane kubutula bena Ayi bonsu, kakuyi kushala muntu nansha umue, kupinganabu kabidi mu tshimenga tshia Ayi. Kubutulabu bantu bonsu bavua bashale ne muoyi.

Yoshua 8:29

Pashishe kuelabu mukalenga wa Ayi kulu kua mutshi, kumowabu. Tshitalu tshiende kushala ku mutshi aku too ne ku dilolu. Pambi diba kubuela, Yoshuwa kutuma diyi bua batutete tshitalu atshi. Bavua batshimansha pabuipi ne tshiibi tshia tshimenga tshia Ayi. Pashishe kungujilabu mushiki wa mabue pa tshitalu atshi. Mabue awu atshidipu too ne ku lelu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

1 Samuele 15:8

Shawule kushipa bantu bonsu, kushiya amu mukalenga wabu Agage. Kumuelaye mu lukanu.