Yoshua 8:1 - MUKANDA WA MYIDI MUKULU

¹ Maweja-Nangila kuambila Yoshuwa ne: — Kutshinyi, kuzakadi. Angata bena mvita bebe bonsu. Nuye kuluisha bena tshimenga tshia Ayi. Meme ndi nkupesha mukalenga wa bena Ayi, bantu bende, tshimenga tshiende, ne ditunga diende dijima.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Yoshua ne, Kutshinyi, kukuatshila buowa, angata bena nvita bonso; bika biebe, ya ku Ai; tangila, nakamana kufila mukelenge wa Ai ne bantu bandi ne musoko wandi ne buloba buandi mu tshianza tshiebe;

Yoshua 8:1 ပူးပေါင်းရင်းမြစ်များ

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yirmeya 46:27

Wewe Izrayele, muena mudimu wanyi, kutshinyi nansha. Kutekeshi mu maboku to. Nuenu ndelanganyi ya Yakobe, ndi mvua kunusungidila mu matunga a kule. Ndi mvua kupikula bana benu mu ditunga didibu baya nabu mu bupika. wewe Izrayele neupete kabidi ditalala ne bupole. Muntu nansha umue kakukuenzela kabidi bibi to.

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Dielulula 1:21

Tangilayi: Maweja-Nangila Mvidi Mukulu wenu mmunupe ditunga dinudi bamone edi. Nanku koleshayi muoyi, kanutshinyi. Yayi, nukuate ditunga edi, bu muvua Maweja-Nangila, Mvidi Mukulu wa bankambua benu, mumane kuamba.”

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 10:7

Diakamue Yoshuwa kumuka mu Ngilgale ne bena mvita bonsu, nangananga ne baluanganyi ba kalanda musenga.

Yoshua 10:8

Maweja-Nangila kuambila Yoshuwa ne: — Kubatshinyi to. Ndi mbafila kuudi. Muntu nansha umue kakukupita bukole to.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?