Yoshua 7:9 - MUKANDA WA MYIDI MUKULU

⁹ Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua Bena Kanâna ne bena buloba bonso nebulue lumu elu, nebatunyunguluke, nebajimishe dina dietu ha buloba; ne wewe newenze tshinyi bua dina diebe dinene?

Yoshua 7:9 ပူးပေါင်းရင်းမြစ်များ

Misambu 115:1

Maweja-Nangila kabatutumbishi tuetu, kabatutumbishi to, bakutumbishe amu wewe. Bualu wewe udi utunanga, muikale kabidi muena diyi dimue.

Misambu 48:10

Mvidi Mukulu wetu, mu nzubu webe wa tshijila, tudi tuvuluka muuvua mutunange, mutuenzele bimpe.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Misambu 83:4

Badi belela bantu bebe tshitungu, badi belela bantu bebe baudi ulama tshipangu.

Misambu 83:5

Badi bambilangana ne: “Tuyayi, tubabutule, bua kabikadi ne tshisamba tshia bantu, bua kabatedi kabidi dina dia bena Izrayele tshiendelele!”

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Dibadika 14:13

Moshe kuandamuna Maweja-Nangila ne: — Bena Ejipitu mbamanye muudi mupatule bena Izrayele mu ditunga diabu ku bukole buebe.

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

Dielulula 9:28

Bualu bena Ejipitu badi mua kuamba ne: ‘Maweja-Nangila wapangi mua kufikisha bantu bende mu ditunga divuaye mubalaye. Kena mubanange. Uvua mubapatule mu Ejipitu anu bua bafuile mu tshipela!’

Yoshua 7:10

Maweja-Nangila kuandamuna Yoshuwa ne: — Banduluka! Muudi mudiele mpala panshi mmunyi?

Yoshua 7:8

Maweja-Nangila wanyi, tshindi mua kuamba ntshinyi? Mpindiewu bena Izrayele mbanyeme baluishi babu!

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.