Yoshua 7:6 - MUKANDA WA MYIDI MUKULU

⁶ Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yoshua wakadihanda bilulu biandi, wakadikuma mpala wandi hanshi ku mpala kua mushete wa Yehowa tô ne ku dilolo; yeye ne bakulu ba Bena Isalele bakadiela buloba mu mitu.

Yoshua 7:6 ပူးပေါင်းရင်းမြစ်များ

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Samuele 1:11

Davide ne bantu bonsu bavua pabuipi nende, kudipandabu bilamba.

2 Samuele 1:12

Kudilabu muadi too ne ku dilolu, bajila biakudia. Ke mushindu uvuabu benza madilu a Shawule, a Yonatane, ne a bena Izrayele bonsu, bantu ba Maweja-Nangila, bavua bafue mu mvita dituku adi.

2 Samuele 1:2

Dituku disatu, nsongalume kufika, ufumina mu mitanda ya Shawule. Uvua ne bilamba bipandike, ne maloba mu mutu, bua kuleja madilu. Anu nsongalume ufika pabuipi ne Davide, kudielaye mpala panshi.

2 Samuele 12:16

Davide kusengelela Maweja-Nangila bua muana awu, kujila biakudia. Pavuaye mubuele mu nzubu muende, kulalaye panshi butuku bujima.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

2 Samuele 13:31

Nanku, mukalenga Davide kupanda bilamba biende, kulala panshi mu buloba. Balombodi ba mu bukalenga buende bonsu, kupanda bilamba biabu, kuimana pabuipi ne Davide.

2 Bakalenga 22:11

Anu mukalenga Yoshiya umvua malu avua mu mukanda wa mikenji, kunyingalalaye bikole. Kupandaye bilamba biende.

2 Kulondolola 34:19

Anu mukalenga Yoshiya umvue malu avua mu mukanda wa mikenji, kunyingalalaye bikole. Kupandaye bilamba biende.

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

Nehemya 9:1

Bena Izrayele kudisangisha mu matuku makumi abidi ne anayi a ngondu awu bua kujila biakudia. Bavua bavuale bilamba bikayapale, badilaba malaba mu mitu.

Estere 4:1

Mordekayi umvua bivua bienzeka, kudipandaye bilamba, kuvuala bilamba bia madilu, kudilaba butu mu mutu. Uvua wendakana mu tshimenga, wela mbila mikole ya dikenga.

Estere 4:3

Mu ditunga dia mu bukalenga dionsu divua mukenji wa mukalenga ufika, bena Yuda bonsu bavua amu ne bowa bunene. Bavua bajila biakudia, badila miadi, bakengakana. Bantu ba bungi bavua bavuala bilamba bia madilu, balala mu butu.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Yobe 2:12

Pavuabu bamutangidile pa bule, kabavua mua kumumanya kabidi to. Nanku, kudilabu, kupandabu binkutu biabu, kuelabu lupuishi mulu bua lubayile mu mutu.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Dibadika 14:6

Kadi batentekedi babidi, Yoshuwa, muana wa Nune, ne Kalebe, muana wa Yefune, kubungama, kudipanda bilamba.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

Yoshua 7:7

Pashishe Yoshuwa kukema bikole, wamba ne: — Akia! Mvidi Mukulu Maweja-Nangila, uvua mutusabuishe musulu wa Yardene bua tshinyi? Uvua mutusabuishe bua kutufila kudi bena Amore bua batushipe anyi? Uvua mua kutulekela dishiya dia Yardene.

Didimanyisha 18:19

Bavua badiela buloba mu mitu, badila, bela miyenga, bamba ne: “Diakabi kaayi! Dikenga kaayi bunene nanku didi dikuata tshimenga! Bonsu badi ne ntatu enda pa mayi manene, mbaneme ne bubanji bua tshimenga etshi. Kadi kujimijatshi bionsu amu diba dimue!”

Balombodi 11:35

Yefete umona amu muanende awu, kudipandaye bilamba bua kuleja kanyinganyinga, udila wamba ne: — Akia! Muananyi wa bakaji, wakumbueja mu dikenga! Anu wewe wakunkebela kanyinganyinga bua tshinyi? Mvua mumane kuditshipa kudi Maweja-Nangila. Ndi anu ne bua kukumbaja mitshipu yanyi.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:26

Ke bena Izrayele bonsu kuya ku Betele. Bantu kusomba muaba uvua Maweja-Nangila, bua kudila. Dituku adi kujilabu biakudia too ne ku dilolu. Kulambulabu Maweja-Nangila milambu ya kuosha, ne ya bobumue.

Balombodi 21:2

Kadi mpindiewu, bena Izrayele kuya ku Betele. Kusombabu kumpala kua Maweja-Nangila too ne ku dilolu. Kunyingalalabu, badila bikole,

1 Samuele 4:12

Anu dituku adi, muntu mukuabu wa mu tshisamba tshia Binyamine uvua mupanduke mu mvita, kuyaye lubilu too ne ku Silo. Kadi bua kuleja kanyinganyinga, uvua mupande bilamba biende, mudiela buloba mu mutu.