Yoshua 7:5 - MUKANDA WA MYIDI MUKULU

⁵ Bena Ayi kushipa bena Izrayele bu makumi asatu ne basambombu. Kulondakajabu bakuabu biangatshile ku tshiibi tshia ku tshimenga tshia Ayi too ne ku musoku wa Shebarime. Kupuekabu benda bipata bena Izrayele. Ke bena Izrayele kupampakana bikole, kuteketa mu maboku.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bena Ai bakashiha bantu bu makumi asatu ne basambombo, bakabihata ku tshibi tshia musoko tô ne ku Shebalima: bakabashiha mu tshibanda kabidi; mitshima ya bantu yakatekete-teketê, yakakudimuka bu mai.

Yoshua 7:5 ပူးပေါင်းရင်းမြစ်များ

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Misambu 58:7

Mvidi Mukulu wanyi, ubapole menu. Maweja-Nangila, zaza bibanga bia ntambue ayi.

Yeshaya 13:7

Ke padi bonsu bateketa mu maboku, kabayi dikanda.

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Dielulula 1:44

Bena Amore, bavua base ku mikuna ya Seyire aku, kutuluka bua kunuluisha. Kunutshimunabu, kunujingilabu bu mbulubulu, kunulonda too ne ku Orma.

Yoshua 2:11

Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.