Yoshua 7:26 - MUKANDA WA MYIDI MUKULU

²⁶ Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakunguisha mushiki munene wa mabue ha mutu handi; udiku tô ne lelu; ne Yehowa wakalekela tshiji tshiandi. Nunku badi babikila muaba au ne, Tshibanda tshia Akola tô ne lelu.

Yoshua 7:26 ပူးပေါင်းရင်းမြစ်များ

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

2 Samuele 21:14

Kuyabu kuyijika muaba umue ne mifuba ya Shawule ne ya Yonatane, mu lukita lua Kishe, tatuende wa Shawule, luvua ku Sela mu buloba bua bena Binyamine. Bantu bamane kuenza bonsu bivua mukalenga Davide muambe, Mvidi Mukulu kukumbaja bionsu bivua bena ditunga balombe.

2 Kulondolola 29:10

Kadi meme ndi musue kutua ndondu ne Maweja-Nangila Mvidi Mukulu wa Izrayele, bua kutuyishaye tshiji tshiende tshikole tshivuaye mutukuatshile.

Ezela 10:14

Nanku tudi basue bamfumu betu bashale muaba ewu, bua kuambuluisha bantu: bena Izrayele bonsu bavua basele bakaji benyi nebaye kudi bamfumu abu matuku ikale bamfumu abu bafunde. Nebafike ne bakulu ne balumbuluishi ba mu bimenga biabu bishilangane. Netuakaje bualu ebu bimpe bua kutuyisha tshiji tshia Mvidi Mukulu wetu, udi mutufikile bonsu munda.

Misambu 85:4

Udi mulekele tshiji tshiebe, kuena musue kubafikila munda.

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 65:10

Bantu badi bankeba, nebadishe bimuna biabu mu mpata wa Sarone. Mu tshibandabanda tshia Akore ngombe yabu neipete lupangu, ne muaba wa kulala.

Muadi 3:53

Bavua bangele mu tshiina, meme ne muoyi, banteke mabue pambidi.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Yowele 2:18

Maweja-Nangila mmunange ditunga diende, mmufuile bantu bende luse.

Yona 1:15

Pashishe bobu kusakila Yona mu mayi. Diakamue mayi kubutama.

Zekâya 6:8

Ke Maweja-Nangila kumbikila, ungambila ne: — Tangila! Tubalu tudi tuya ku mutu, netupuekeshishe Mueyelu wanyi mu ditunga edi.

Dibadika 25:8

Kulondakajaye muena Izrayele awu, ne mukaji uvuaye nende wa bena Madiyane, mu ntenta, kubashipa bonsu babidi, kubasompola ne difuma. Nanku tshipupu tshivua tshikuate bena Izrayele kujikatshi.

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.

Yoshua 10:27

Ku dilolu Yoshuwa kutuma diyi bua batulule bitalu abi. Kubitululabu, kubimansha mu lubinga muaba uvua bakalenga abu basokome. Kujibikilabu mabue manene ku lubinga alu. Mabue awu atshidiku too ne ku lelu.

Yoshua 7:24

Yoshuwa ne bena Izrayele bonsu kukuata Akane, kuangata tshiamu tshitoke tshia mushinga mukole, tshinkutu ne tshiamu tshia mpawungi. Kuangatabu kabidi bana ba balume ne ba bakaji ba Akane, ngombe yende, mpunde, mikoku, mbuji, ntenta ne bikuabu bionsu biwaye nabi. Kuyabu nabi bionsu mu tshibandabanda tshia Akore.

Yoshua 8:29

Pashishe kuelabu mukalenga wa Ayi kulu kua mutshi, kumowabu. Tshitalu tshiende kushala ku mutshi aku too ne ku dilolu. Pambi diba kubuela, Yoshuwa kutuma diyi bua batutete tshitalu atshi. Bavua batshimansha pabuipi ne tshiibi tshia tshimenga tshia Ayi. Pashishe kungujilabu mushiki wa mabue pa tshitalu atshi. Mabue awu atshidipu too ne ku lelu.