Yoshua 7:24 - MUKANDA WA MYIDI MUKULU

²⁴ Yoshuwa ne bena Izrayele bonsu kukuata Akane, kuangata tshiamu tshitoke tshia mushinga mukole, tshinkutu ne tshiamu tshia mpawungi. Kuangatabu kabidi bana ba balume ne ba bakaji ba Akane, ngombe yende, mpunde, mikoku, mbuji, ntenta ne bikuabu bionsu biwaye nabi. Kuyabu nabi bionsu mu tshibandabanda tshia Akore.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yoshua ne Bena Isalele bonso bakangata Akana, muana wa Zela, ne tshiamu tshia argent ne tshilulu ne tshiamu tshia or ne bana bandi balume ne bana bandi bakashi ne ngombe yandi ne mpunda yandi ne mikoko yandi ne ntenta wandi ne bionso biakadiye nʼabi: bakalua nʼabi mu tshibanda tshia Akola.

Yoshua 7:24 ပူးပေါင်းရင်းမြစ်များ

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yobe 20:15

Udi ne bua kuluka bintu bimpe bivuaye munyenge bantu. Mvidi Mukulu udi umulukisha bivuaye mumine.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Yeshaya 65:10

Bantu badi bankeba, nebadishe bimuna biabu mu mpata wa Sarone. Mu tshibandabanda tshia Akore ngombe yabu neipete lupangu, ne muaba wa kulala.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Yoshua 15:7

Mukalu awu uvua upitshila ku tshibandabanda tshia Akore, ubandila kabidi ku Debire, pashishe ubendela ku mutu wa ditunga, uya ku Ngilgale, mutangilangane ne mukuna wa Adumime, udi kuinshi kua lubuwa. Pashishe uvua upitshila pabuipi ne mpokolu ya mayi ya mu Ene-Shemeshe, ushikidila ku Ene-Rogele.

Yoshua 22:20

Pavua Akane, wa ku ndelanganyi ya Zera, muenze tshilema tshinene, muangate bintu bikandika, Maweja-Nangila uvua mufikile bena Izrayele bonsu munda, mubakengeshe. Nuenu nudi bamanye bualu ebu! Kabidi, Akane kena mufue nkayende bua bubi buende to.

Yoshua 6:18

Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Yoshua 6:21

Kushipabu bantu ba mu tshimenga atshi: balume, bakaji, bantu bakole ne bana batekete. Kushipabu too ne ngombe, mikoku ne mpunde.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:23

Bobu kujula bintu abi, kuya nabi kuvua Yoshuwa ne bena Izrayele. Kubitekabu kumpala kua Maweja-Nangila.

Yoshua 7:26

Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.