Yoshua 7:13 - MUKANDA WA MYIDI MUKULU

¹³ Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bika biebe, ujidike bantu, ubambile ne, Nudijidile bua malu a makelela; bualu bua Yehowa, Nzambi wa Isalele, udi Wamba ne, Tshintu tshia tshijila tshidi munkatshi muenu, nuenu Bena Isalele, nunku kanuena mua kuimana ku mpala kua bena lukuna tô ne hanûmusha tshintu tshia tshijila munkatshi muenu.

Yoshua 7:13 ပူးပေါင်းရင်းမြစ်များ

Genese 34:27

Bana bakuabu ba Yakobe, kupawulabu bintu bionsu bivua pa bitalu nansha mu tshimenga! Bualu nsongalume wa mu tshimenga atshi uvua mubafuishe bundu, mubuelele muanabu wa bakaji mu nzubu ku bukole.

2 Kulondolola 28:10

Kabidi nudi ne dijinga dia kubueja bantu balume ne bantu bakaji aba, banudi bakuate mu Yerushalayime ne mu ditunga dia Yuda, mu bupika. Nuenu kanuena mua kupeta tshilumbu kudi Maweja-Nangila Mvidi Mukulu wenu anyi?

Matayi 7:5

Muena mpala ibidi we, bangabanga umusha mutshi munene mu disu diebe, nenku neumone bimpe bua kumusha kasosa kadi mu disu dia muanenu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Yoshua 3:5

Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Yoshua 6:18

Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.