Yoshua 7:11 - MUKANDA WA MYIDI MUKULU

¹¹ Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bena Isalele bakenza bibi; bakashiha tshihungidi tshinakahunga nʼabo, bakadiangatshila tshintu tshia tshijila, bakatshiba kabidi, bakasokoka bubi buabo; bakatshiteka munkatshi mua bintu biabo mene.

Yoshua 7:11 ပူးပေါင်းရင်းမြစ်များ

2 Bakalenga 18:12

Bionsu ebi, biakuenzeka bualu bena Izrayele kabavua batumikila diyi dia Maweja-Nangila Mvidi Mukulu wabu to. Kabidi bavua bashipe ndondu wende. Bavua babenga kuteleja mikenji yende, ne kukumbaja bionsu bivua Moshe, muntu wa Maweja-Nangila, mubambile.

2 Bakalenga 5:24

Bobu bamane kufika muaba uvuabu babikila ne: Ofele. Ngeyazi kuangata bibombi abi ne bilamba abi, kubiteka mu nzubu muende. Pashishe, kupingaja bena mudimu abu kudi mfumuabu Namane.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Abakuke 2:6

Kadi bantu badibu batshimune, nebabele nsenda, babatshipa, bamba ne: Nudi bena diakabi! Nudi nudiangatshila bintu bia bende, nutangila bantu bu badi ne bua kunufuta mabanza. Kadi nenuenze nanku too ne ku diba kaayi?

Zekâya 5:4

Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Matayi 22:21

Kuandamunabu ne: — Bia mukalenga wa bakalenga. Ke Yezu kubambila ne: — Nunku futayi mukalenga wa bakalenga bintu bidi bunutangila, kadi lambulayi Mvidi Mukulu pende bidi bimutangila.

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Dielulula 17:2

Misangu mikuabu, mu tshimue tshia ku bimenga tshidi Maweja-Nangila Mvidi Mukulu wenu mua kunupa bua nuenu kusomba, muntu mulume nansha mukaji udi mua kuenza bibi, kunyangakaja ndondu.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:10

Maweja-Nangila kuandamuna Yoshuwa ne: — Banduluka! Muudi mudiele mpala panshi mmunyi?

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.

1 Samuele 14:38

Nanku, Shawule kubikidisha bamfumu bonsu ba bena Izrayele, ubambila ne: — Konkanganayi bimpe, bua tumanye bubi butudi benza lelu.