Yoshua 6:26 - MUKANDA WA MYIDI MUKULU

²⁶ Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yoshua wakadimusha bantu dituku adi, wakabambila ne, Muntu yonso udi ubika bua kuasa musoko eu wa Yeleko kabidi neikale ne mulau ku mpala kua Yehowa; habangeye kuasa musoko neajimishe muanʼa bute wandi ne hajadikeye bibi bia musoko neajimishe muanʼa mukala wandi.

Yoshua 6:26 ပူးပေါင်းရင်းမြစ်များ

1 Bakalenga 16:34

Tshikondu atshi, muntu mukuabu wa mu tshimenga tshia Betele, diende Iyele, kuibakulula tshimenga tshia Yeriko. Kadi bionsu bivua Maweja-Nangila muambile Yoshuwa, muana wa Nune, kukumbanabi: pavuabu benza tshitaku tshia tshimenga tshia Yeriko, Abirame, muana wa balume, muanabute wa Iyele kufua; pavuabu bela biibi bia tshimenga atshi, Segube, muanende wa balume muana mukala kufua.

1 Bakalenga 22:16

Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

2 Bakalenga 2:4

Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Bienzedi 19:13

Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne: — Mu dina dia Yezu, udi Polu ulongesha, ndi nnutumina diyi: patukayi!

Yoshua 16:7

Pashishe uvua upueka ku Atarote ne ku Nara, ufika ku Yeriko, ushikidila ku musulu wa Yardene.