Yoshua 6:23 - MUKANDA WA MYIDI MUKULU

²³ Batentekedi kuya ku nzubu wa Rakabe. Kumupatulabu ne baledi bende, bana babu ba balume, ba bakaji, ne bena diku diabu bonsu. Kubalamabu muaba musunguluke uvua kauyi mu mitanda ya bena Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

²³ Batentekedi aba bakayamu, bakalua ne Lahaba ne tatu wandi ne mamu wandi ne bana babo ne bintu bionso biakadiye nʼabi; bakalua ne bena diku diandi bonso kabidi, bakabateka ku butshika bua tshitudilu tshia Bena Isalele.

Yoshua 6:23 ပူးပေါင်းရင်းမြစ်များ

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 18:24

Wewe musangane bantu bakane makumi atanu mu musoku awu, udi mua kufuilaku musoku mujima luse, bua kupandisha bantu aba makumi atanu, anyi udi ubutula musoku mujima?

Genese 19:29

Pavua Mvidi Mukulu ubutula Sodome ne Ngomore, uvua anu muvuluke Abrahame. Ke nuwuaye mupandishe Lote.

Dibadika 31:19

Kadi nuenu bonsu bavua bashipe muntu, nansha balenge tshitalu, nushale anu pambelu pa mitanda matuku muanda mutekete. Numushe mikiya yenu dituku disatu ne dia muanda mutekete. Bantu bakaji banuvua bakuate mu bupika benze pabu nanku.

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

1 Korente 5:12

Bualu tshiena mua kulumbuluisha badi kabayi mu tshisumbu tshietu.

Efeze 2:12

Mu tshikondu atshi kanuvua pabuipi ne Kristu. Nuvua benyi. Kanuvua ba mu tshisamba tshia Izrayele, tshivua Mvidi Mukulu musungule. Ndondu ivua Mvidi Mukulu mutue ne bantu bende, ne malaya avuaye mubalaye, kabivua binutangila. Nuvua basombe panu, kanuyi batekemene tshintu, kanuyi ne Mvidi Mukulu.

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Yoshua 2:13

Nundaye bua kupandisha baledi banyi, bana betu ba balume ne ba bakaji, too ne bena meku etu bonsu. Kanuanyishi bua batushipe to.

Yoshua 2:16

Kubambilaye ne: — Ndayi kusokoma mu mikuna, bua bantu badi banukeba abu kabanukuatshi to. Nushale ku mikuna aku matuku asatu, too ne papingana badi banukeba abu. Pashishe nenutungunuke ne luendu luenu.

Yoshua 2:18

Kadi wewe enza nunku: patudi tukuata ditunga edi, usuike muonji mukunze ewu ku dididishi, muaba uudi mututuluile ewu. Nanku nudisange bonsu mu nzubu muebe, ne baledi bebe, bana benu ba balume ne ba bakaji, ne bena diku dienu bonsu.

Balombodi 1:25

Muntu awu kubaleja muaba wa kubuelelabu. Ke muvua ndelanganyi ya Efrayime ne ya Menashe mibuele mu tshimenga atshi, mitshibutule kabidi. Kadi ki mbashipe muntu awu, nansha bena diku diende.