Yoshua 6:19 - MUKANDA WA MYIDI MUKULU

¹⁹ Biamu bitoke bia mushinga mukole bionsu, bia mpawungi, bikunze, ne bikuabu bionsu, nebabijidile mu dina dia Maweja-Nangila, babiele mu diyeba diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi tshiamu tshionso tshia argent ne tshia or, ne malonga a tshiamu tshia mitaku ne tshiamu tshifike bidi bajidila kudi Yehowa; bintu ebi bionso nebikale mu tshibutshilu tshia Yehowa.

Yoshua 6:19 ပူးပေါင်းရင်းမြစ်များ

2 Samuele 8:11

Mukalenga Davide kujidila bintu abi mu dina dia Maweja-Nangila, bu nuwuaye mujidila tshiamu tshitoke tshia mushinga mukole, ne tshia mpawungi, bivuabu bamutumine kudi bantu ba bisamba bivuaye mumane kukuata:

1 Bakalenga 14:26

Kupawulabu bintu bimpe bionsu bivua mu nzubu wa Maweja-Nangila, ne bivua mu nzubu wa bukalenga. Kuangataye bintu abi bionsu, nangananga ngabu ya tshiamu tshia mpawungi ivua Shelomu muenze.

1 Bakalenga 7:51

Mukalenga Shelomu mumane kujikija midimu yonsu ya dibaka nzubu wa Maweja-Nangila, kuangataye binta bionsu bivua tatuende Davide mujidile Maweja-Nangila: biamu bitoke bia mushinga mukole, tshiamu tshia mpawungi, ne bintu bia mishindu yonsu, kubitekaye mu tshibambalu tshia mu nzubu wa Mvidi Mukulu tshivuabu batekela bintu bionsu bia mushinga mukole.

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

1 Kulondolola 18:11

Mukalenga Davide kujidila bintu abi mu dina dia Maweja-Nangila, bu muvuaye mujidile tshiamu tshitoke tshia mushinga mukole ne tshia mpawungi, bivuaye muangate mu matunga makuabu: a bena Edome, a bena Mowabe, a bena Amone, a bena Peleshete ne a bena Amaleke.

1 Kulondolola 26:20

Bena Levi bakuabu bavua ne mudimu wa kulama bibutshilu bia mu nzubu wa Mvidi Mukulu, ne bintu bia tshijila bivuabu balambula Mvidi Mukulu.

1 Kulondolola 26:26

Shelomite ne bana babu, bavua batangile bintu bivuabu bajidile mu dina dia Mvidi Mukulu kudi mukalenga Davide, kudi bamfumu ba meku, kudi balombodi ba bisumbu binene ne bikese bia bena mvita, ne kudi balombodi bakuabu ba bena mvita.

1 Kulondolola 26:27

Bantu aba bavua bajidile tshitupa tshia bintu bipawula mu mvita, bua midimu ya nzubu wa Maweja-Nangila.

1 Kulondolola 26:28

Bintu bionsu bivua muambi Samuwele, Shawule, muana wa Kishe, Abnere, muana wa Nere, ne Yowabe, muana wa Seruya, bajidile mu dina dia Mvidi Mukulu, bavua babitangile kabidi kudi Shelomite ne bana babu.

1 Kulondolola 28:12

Davide kupesha kabidi Shelomu dibeji di-vuaye muzole lubanza lua ku nzubu wa Mvidi Mukulu, ne bibambalu bivua binyungulula lubanza alu, bibambalu bivuabu ne bua kutekela bintu bia kukuata nabi mudimu mu nzubu wa Mvidi Mukulu, ne bikuabu bivuabu ne bua kutekela milambu ya kulambula Maweja-Nangila Mvidi Mukulu.

2 Kulondolola 15:18

Asa uvua uya kabidi mu nzubu wa Mvidi Mukulu ne milambu ya tshijila, ivuabu balambula Maweja-Nangila kudi tatuende Abiya, ne ivuaye ulambula yeye mene. Milambu eyi ivua: tshiamu tshitoke tshia mushinga mukole, tshiamu tshia mpawungi, ne bintu bikuabu bia mishindu mishilangane.

2 Kulondolola 31:12

bavua bateka misangu yonsu bintu abi, ne milambu mikuabu ya tshijila mu nzubu amu. Kusungulabu Konaniya, muena Levi, bua kuikalaye mulami wa bintu abi. Kusungulabu ne muanabu Shimeyi bua kumuambuluisha.

Nehemya 10:38

Nebipeshe kabidi batuangaji bukula buimpe, milambu ya bimuma, ya mvinyo mipiamipia ne ya mafuta. Nebiteke bionsu abi mu bibambalu bidi ku nzubu wa Mvidi Mukulu. Kadi bena Levi, nebapete tshia dikumi tshimue tshia bintu bia mu madimi etu, Bobu nkayabu nebaye kudiangatshila tshia dikumi atshi mu misoku yetu, miaba idi madimi ebi.

Yirmeya 38:11

Nanku, Ebede-Meleke kuangata bantu makumi asatu, kuya nabu ku nzubu wa bukalenga. Kubuelaye mu tshibambalu muaba udibu balama bintu. Kuangataye bilamba bia kale bipandike. Kubituminaye Yirmeya mu tshiina, bisuike ku mionji.

Lewitiki 19:24

Nenku, bimuma bionsu biakuamayi tshidimu tshinayi, nubindambule mu tshibilu tshia dintumbisha.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Dibadika 31:11

Pashishe kumukabu ne bantu, ne bimuna kabidi, ne bintu bionsu bivuabu banyenga mu mvita.

Dibadika 31:12

Kufikabu ne bintu abi kudi Moshe, kudi mutuangaji Elazare, ne kudi bena Izrayele bonsu, bavua basomba mu mitanda yabu mu mpata ya Mowabe, pabuipi ne musulu wa Yardene, dishiya dia Yeriko.

Dibadika 31:22

— Biamu bionsu bidi kabiyi binyanguke mu kapia, bu mudi bintu bienza ne tshiamu tshia mpawungi, tshitoke tshia mushinga mukole, tshiamu tshia kabanda, tshiamu tshifike, tshiamu tshia mayowa, nansha tshiamu tshikuabu, ubiele mu kapia, pashishe ubitue mu mayi bua kumusha mikiya. Kadi biamu bionsu bidi binyanguke mu kapia, ubitue anu mu mayi bua kumusha mikiya.

Matayi 27:6

Bamfumu ba batuangaji kuangula nkanu ayi, bamba ne: — Mikenji yetu kayena mianyishe bua kuela nkanu eyi mu tshibutshilu tshia mu nzubu wa Mvidi Mukulu, bualu mmushinga mufume ku mashi a bantu.

Marke 12:41

Yezu uvua musombe buludiludi ne mushete wa milambu ya mu nzubu wa Mvidi Mukulu, kumonaye muvua bantu bavule belamu makuta. Bantu babanji ba bungi bavua bela makuta a bungi.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.