Yoshua 6:18 - MUKANDA WA MYIDI MUKULU

¹⁸ Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nuenu nuhidie tshintu tshia tshijila; kanuangatshi tshintu tshinuakajila; binuatshiangata, nenueleshe tshitudilu tshia Bena Isalele mulau, nenutshikengeshe.

Yoshua 6:18 ပူးပေါင်းရင်းမြစ်များ

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Muambi 9:18

Meji mmapite bia mvita. Kadi muena buenzayi umue udi mua kunyanga bilenga bidi meji atupetesha.

Yona 1:12

Yona kubambila ne: — Nsakilayi mu mayi, bua mavuala abatame. Ndi mumanye ne: bua bubi buanyi ke budi tshipepele etshi tshikole tshinukuata.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 23:10

Panuikala mu mitanda, nuluangana ne baluishi benu, nuepele bionsu bidi mua kunukebela mikiya.

Dielulula 7:26

Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

Yoshua 7:25

Yoshuwa kuambila Akane ne: “Udi mutukebele diakabi. Nanku mpindiewu Maweja-Nangila neakupeteshe pebe diakabi.” Bena Izrayele kumuasa mabue, kumushipa. Kuasabu kabidi ne bena mu diku dia Akane bonsu mabue, kubashipa. Kuoshabu bintu biabu bionsu.

1 Yone 5:21

Bana banyi, kanubuelakanyi ne mvidie ya dishima!

1 Samuele 15:9

Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.