Yoshua 6:17 - MUKANDA WA MYIDI MUKULU

¹⁷ Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Musoko eu ne bintu bionso bidimu bikale bia tshijila kudi Yehowa. Anu Lahaba, mukashi wa tshiendenda, ikale ne muoyo ne bantu bonso badi nʼandi mu nsubu muandi, bualu bua yeye wakasokoka batentekedi batuakatuma.

Yoshua 6:17 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Ezela 10:8

Padi matuku asatu apita, muntu yonsu udi kayi mufike, nebamunyenge bintu biende, bamuipata munkatshi mua bena Izrayele. Ke muvuabu bambe kudi bamfumu ne kudi bakulu bavua babambuluisha.

Yeshaya 34:6

Ku muele wa mvita wa Maweja-Nangila, kudi mashi a bungi, kudi mafuta tente, bu mashi a mikoku ya bimpanga, a mbuji ya mpumbu, bu mafuta a ku tuonyi tua mbuji. Bualu mu tshimenga tshikulu tshia Bosra, Maweja-Nangila udi ulambula milambu. Mu ditunga dia bena Edome, udi ushipa nyama ya milambu.

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yezekiyele 39:17

Maweja-Nangila Mvidi Mukulu kungambila kabidi ne: — Yezekiyele, bikila nyunyi ne nyama ya muitu, uyambile ne: “Umbukayi miaba yonsu inudi. Nudisangishe pamue bua kudia mulambu undi munulongoluele. Mulambu ewu newikale tshibilu tshinene pa mikuna ya Izrayele. Nenudiepu munyinyi, nunuapu ne mashi.

Lewitiki 27:21

Nenku mu tshikondu tshia ‘Mufikilu’ wa disanka dinene, budimi abu budi amu bupingana kudi Maweja-Nangila. Nebushale mu dina dia batuangaji, bu budimi buvuabu balambule Maweja-Nangila bua kashidi.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Ngalate 3:12

Kadi mikenji kayena ifuma kudi ditaba. Apu Mikanda ya tshijila idi yamba ne: “Muntu udi ukumbaja mikenji neikale ne muoyi kudiyi.”

Dielulula 20:17

Bena Iti, bena Amore, bena Kenaane, bena Perizi, bena Ivi ne bena Yebusa, nenubashipe bonsu, muvua Maweja-Nangila Mvidi Mukulu wenu muambe.

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Yakobe 2:25

Ke muvua Mvidi Mukulu mubingishe kabidi Rakabe, mukaji muena tshiendenda, bua bivuaye muenze. Bualu uvua muakidile bimpe batentekedi ba bena Yuda, mubanyemeshile ku njila mukuabu.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 2:22

Batentekedi abu, kuya kusokoma ku mikuna matuku asatu, too ne padibu bapingana mu Yeriko kudi bantu bavua babalondakaja mu njila, kabayi babamona.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

1 Samuele 15:6

Ke Shawule kuambila bena Kayine ne: “Umukayi munkatshi mua bena Amaleke, nuye mutantshi mule. Tshiena musue kunukengesha, bu mundi mbakengesha bobu to. Bualu nuenu nuvua bafuile bena Izrayele luse, pavuabu bapatuke mu Ejipitu.” Nanku bena Kayine kumuka muaba uvua bena Amaleke.