Yoshua 6:1 - MUKANDA WA MYIDI MUKULU

¹ Biibi bionsu bia ku tshimenga tshia Yeriko bivua binjila, bikanga bikole bua bena Izrayele kababuedi to. Muntu nansha umue kavua mua kubuela nansha kupatuka.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bakinshila bibi bionso bia Yeleko, bakabikanga, bualu bua Bena Isalele; muntu kakahatuka, muntu kakabuelamu.

Yoshua 6:1 ပူးပေါင်းရင်းမြစ်များ

2 Samuele 10:5

Kumanyishabu Davide bionsu abi. Kutumaye bantu bua baye kuakidila balombodi ba mu bukalenga buende, bualu bavua ne bundu bua bungi. Mukalenga Davide kubatumina diyi ne: “Nusombele amu mu tshimenga tshia Yeriko too ne pikala miedi yenu mimena kabidi. Pashishe nenufike muaba ewu.”

2 Bakalenga 17:4

Pashishe, Osheya kumuelela tshifufu tshibi. Kutumaye bantu kudi mukalenga wa bena Ejipitu ku tshimenga tshia Sayize. Kavua mulambule kabidi mukalenga wa bena Ashure milambu ya ku tshidimu. Mukalenga Shalmanazere umanya bualu abu, kukuatshishaye Osheya, kumuela mu nzubu wa lukanu.

2 Bakalenga 2:4

Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Yoshua 16:7

Pashishe uvua upueka ku Atarote ne ku Nara, ufika ku Yeriko, ushikidila ku musulu wa Yardene.

Yoshua 18:21

Bimenga bia meku a bena Binyamine bivua: Yeriko, Bete-Ogla, Emeke-Keshise,

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 2:7

Bantu bavua mukalenga mutume kulondakaja batentekedi mu njila. Amu bobu bapatuke mu tshimenga, kukangabu tshiakabidi tshiibi tshia tshimenga. Nanku, kuipatshilabu batentekedi, balonda njila udi muye ku tshisabu tshia musulu wa Yardene.

Yoshua 5:15

Mfumu wa tshikulu tshia Maweja-Nangila kumuandamuna ne: — Kopola bisabata biebe ku makasa, bualu udi muimane muaba wa tshijila. Ke Yoshuwa kuitaba.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.