Yoshua 5:2 - MUKANDA WA MYIDI MUKULU

² Anu tshikondu atshi, Maweja-Nangila kuambila Yoshuwa ne: — Usonge tuele tua ntewula, bua uteke ndelanganyi mipiamipia ya bena Izrayele eyi panshi.

Mukanda wa Nzambi Dihungila Dikulukulu ne Dihungila Dihia-dihia 2003

² Mu matuku au Yehowa wakambila Yoshua ne, Enza tuele tua mabue, utengule Bena Isalele tshiakabidi.

Yoshua 5:2 ပူးပေါင်းရင်းမြစ်များ

Ekesode 4:25

Nanku Sefora, mukaji wa Moshe, kuangata dibue ditue, kuteka nadi muanende wa balume panshi. Pashishe kuangata dikoba divuaye mukose muana adi, kudilaba Moshe pa mbidi wamba ne: “Udi bayanyi wa mashi.”

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 4:11

Kunyima kua matuku mavule bakateka Abrahame panshi, bua bikale bu tshimanyinu tshidi tshileja ne: Mvidi Mukulu mmumutue tshitampi, bualu mmumubingishe amu bua ditaba, pavuabu kabayi banji kumuteka panshi. Nenku Abrahame udi tatu wa bantu bonsu badi bitaba Mvidi Mukulu, nansha kabayi babateka panshi, kabidi badi Mvidi Mukulu ubingisha.

Dielulula 10:16

Nudifile muenu muonsu kudi Maweja-Nangila Mvidi Mukulu wenu. Kanumutombokedi kabidi to.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Kolose 2:11

Panuvua badisange ne Kristu, Yeye uvua mumushe bukole bua bubi munda muenu. Ke muvuaye munuteke panshi; kadi ki mmushindu udi bantu batekangana panshi nansha.

Yoshua 5:3

Yoshuwa kusonga tuele tua ntewula, kuteka bena Izrayele panshi. Bionsu ebi bivua bienzekela muaba udibu babikila ne kakuna ka kutekela bantu panshi.