Yoshua 5:1 - MUKANDA WA MYIDI MUKULU

¹ Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.

Yoshua 5:1 ပူးပေါင်းရင်းမြစ်များ

Genese 12:6

kupitshilabu mu ditunga adi too ne ku mutshi wa tshijila uvua mu Moreya pabuipi ne musoku wa Shekeme. — Bena Kenaane batshivua mu ditunga adi. —

Genese 48:22

Kadi tshitupa tshia buloba bua Shekeme, bumvua munyenge bena Amore ku muela wanyi wa mvita ne ku buta buanyi bua miketa, tshiena mbupesha bana benu to, ndi nkupeshabu anu wewe.

2 Samuele 21:2

Mukalenga Davide kubikidisha bena Ngibone bua kuyukila nabu. Bena Ngibone kabawa bena Izrayele to. Bavua bena Amone bavua bashala ne muoyi, bualu bena Izrayele bavua babalaya ne: katuena mua kunushipa to. Kadi pavua Shawule ukeba kusankisha bena Izrayele ne bena Yuda, uvua ukeba kubutula bena Ngibone.

1 Bakalenga 10:5

bua biakudia bivuabu bateka ku mesa, bua balombodi ba bukalenga bua Shelomu, bavua basombe ku mesa balondangane bimpe, bua bilamba bivuabu bavuale kudi bena mudimu bavua babanya biakudia ne bia kunua. Mukalenga mukaji umona milambu ivua Shelomu ulambula mu nzubu wa Maweja-Nangila, kukemaye bikole bua bintu bionsu abi, kupangaye ne mua kuakula.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

Misambu 135:11

bobu abu ke Sikone, mukalenga wa bena Amore, Oge, mukalenga wa Bashane ne bakalenga bonsu ba Kenaane.

Ekesode 23:28

Nentume tshipupu tshia tuishi bua kunyemesha bena Ivi, bena Kenaane ne bena Iti kanuyi banji kufika.

Yeshaya 41:5

Bantu badi base kule, badi bamona bimvua muenze, bakuatshika bowa. Bantu ba ku nshikidilu kua buloba, badi basemena pabuipi, bazakala.

Yezekiyele 16:3

Ubamanyishe miaku indi meme Maweja-Nangila Mvidi Mukulu nkuambila ya ne: “Kenaane nditunga dia bankambua bebe, muaba uvuabu bakulelele. Tatuebe uvua muena Amore, mamuebe muena Iti.

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Danyele 5:6

mpala wende kutokoloka, meji kulubakana, bowa kumukuata, luzakalu kumupangisha luendu.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Yoshua 17:12

Kadi bena Menashe kabawa mua kuipata bantu ba mu bimenga bionsu ebi. Nanku bena Kenaane batshidi basomba amu kusombamu too me mpindiewu.

Yoshua 17:18

Nuangate mikuna yonsu idi ne metu. Nusole, nudime metu awu, nuase miaba yonsu ayi. Nanku nenupete mushindu wa mua kuipata bena Kenaane, nansha bobu bikale ne matempu a mvita a biamu, bikale kabidi ne bukole.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Didimanyisha 18:10

Nebimane mutantshi mule, bazakale bua makenga adi ne bua kukuata tshimenga. Nebambe ne: “Babilone, ndiakabi kaayi edi! nDikenga kaayi! Wewe tshimenga tshinene, tshia bukole kabidi! Badi bakunyoka amu diba dimue, ubutuka butubutuu!”

Balombodi 1:1

Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

Balombodi 11:23

Nanku anu Maweja-Nangila Mvidi Mukulu wa bena Izrayele, ke uvua muanyishe bua tuetu, bantu bende, tukuate buloba bua bena Amore. Kadi wewe udi musue kutunyengabu anyi?

Balombodi 3:3

Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

Balombodi 4:2

Maweja-Nangila kubafila mu bianza bia Yabine, mukalenga wa bena Kenaane, uvua musombele mu tshimenga tshia Ashore. Dina dia mfumu wa tshiluilu tshia Yabine divua Sisra, uvua musombele mu Aroshete-Ngoyime.

1 Samuele 25:37

Abiyayile uvua muindile bua maluvu atenduke Nabale, pashishe amuambile malu onsu awu dinda. Nabale umvua malu awu, kumutondawu bikole. Kushalaye katshiyi ne bukole.