Yoshua 4:3 - MUKANDA WA MYIDI MUKULU

³ Ubambile baye kukeba mabue dikumi ne abidi mu musulu wa Yardene, anu muaba uvua batuangaji bimane awu. Badi ne bua kutuala mabue awu, nuenu kuateka muaba unuaya kulala.

Mukanda wa Nzambi Dihungila Dikulukulu ne Dihungila Dihia-dihia 2003

³ ubambile ne, Nuangate mabue dikumi ne abidi munkatshi mua Yadene mu muaba wakadiata makasa a bakuidi, nuatuale, nuâele hanshi mu muaba unudi nulala butuku ebu.

Yoshua 4:3 ပူးပေါင်းရင်းမြစ်များ

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

Misambu 103:2

Eyowa, ndi musue kuela Maweja-Nangila tuasakidila, tshiena ndekela kuvuluka bualu buende buimpe nansha bumue.

Misambu 11:4

— Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

Luke 19:40

Yezu kuandamuna ne: — Ndi nnujadikila ne: nansha bobu bapuwe, mabue neele mbila!

Yoshua 24:27

Pashishe kuambilaye bena Izrayele ne: — Monayi dibue edi: neditujadikile bualu ebu, bualu nditeleje malu onsu adi Maweja-Nangila mutuambile. Eyowa, dibue edi nedikale tshimanyinu tshidi tshinutuisha, tshinukandika bua kanulekedi Mvidi Mukulu wenu.

Yoshua 3:13

Padi batuangaji badi bambula mushete wa tshijila, babuela mu Yardene, diakamue mayi awu neakosoloke. Mayi a ku mutu neimane dibula.

Yoshua 4:4

Yoshuwa kubikila bena Izrayele dikumi ne babidi bavuaye musungule,

Yoshua 4:8

Bantu bavua Yoshuwa musungule, kukumbajabu bionsu abi. Kuambulabu mabue dikumi ne abidi munkatshi mua musulu wa Yardene. Dibue dimue ku tshisamba, bu muvua Maweja-Nangila nkayende muambile Yoshuwa. Kuyabu kuteka mabue awu muaba uvuabu ne bua kulala.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”