Yoshua 4:19 - MUKANDA WA MYIDI MUKULU

¹⁹ Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

Yoshua 4:19 ပူးပေါင်းရင်းမြစ်များ

2 Bakalenga 2:1

Matuku a bungi mamane kupita, Maweja-Nangila kuambula muambi Eliya mulu mu tshipepela tshia mvunde. Bivua bienzeka mushindu ewu: Eliya ne Elisha kumuka mu Ngilgale, benda pamue mu njila.

Amosa 4:4

Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Amosa 5:5

Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Dielulula 1:3

Dituku dia kumpala dia ngondu wa dikumi ne umue, bena Izrayele bamane kukumbaja bidimu makumi anayi katshia bapatuke mu Ejipitu, Moshe kubamanyisha bionsu bivua Maweja-Nangila mutume diyi bua kuenzabu.

Dielulula 11:30

(Mikuna eyi idi dishiya dia musulu wa Yardene, dishiya dia njila udi luseke ludi diba dibuelela lua musulu, mu ditunga dia bena Kenaane badi basomba mu tshibandabanda tshia Yardene. Mikuna eyi idi pabuipi ne mitshi ya nsanga ya tshijila ya mu Moreya, idi mitangilangane ne Ngilgale.)

Yoshua 10:43

Pashishe Yoshuwa ne bena mvita bonsu bavuaye nabu, kupingana mu mitanda yabu ivua mu Ngilgale.

Yoshua 10:6

Kadi bena Ngibone kutuma bantu bua bambile Yoshuwa uvua mu mitanda ya mu Ngilgale ne: — Kubengi bua kutuambuluisha tuetu bapika bebe to. Luaku lukasa. Utuambuluishe, utusungidile. Bualu bakalenga bonsu ba bena Amore badi ku mikuna, mbumvuangane bua kutuluisha!

Yoshua 15:7

Mukalu awu uvua upitshila ku tshibandabanda tshia Akore, ubandila kabidi ku Debire, pashishe ubendela ku mutu wa ditunga, uya ku Ngilgale, mutangilangane ne mukuna wa Adumime, udi kuinshi kua lubuwa. Pashishe uvua upitshila pabuipi ne mpokolu ya mayi ya mu Ene-Shemeshe, ushikidila ku Ene-Rogele.

Yoshua 24:11

Nuenu kusabuka Yardene, kufika mu tshimenga tshia Yeriko. Bena mu Yeriko kunuluisha. Bavua banuluisha kabidi kudi bena Amore, bena Perizi, bena Kenaane, bena Iti, bena Ngirgashi, bena Ivi, ne bena Yebusa. Meme kubafila bonsu mu bianza bienu.

Yoshua 4:18

Batuangaji kuitaba. Amu bobu bamane kumuka mu mayi, bafike ku muelelu, musulu kupingana muawu mua kale, kuwula tente too ne ku bibungubungu.

Yoshua 5:10

Bena Izrayele kuasa mitanda mu Ngilgale. Matuku dikumi ne anayi a ngondu, dilolu, mu mpata udi pabuipi ne tshimenga tshia Yeriko, kuenzabu tshibilu tshia Dipita dia Maweja-Nangila.

Yoshua 5:9

Pashishe Maweja-Nangila kuambila Yoshuwa ne: — Lelu ndi munumushe bundu, bunuvua bapatuke nabu mu Ejipitu. Ke padibu babikila muaba awu too ne mpindiewu ne: Ngilgale.

Yoshua 9:6

Pashishe kuyabu mu mitanda ya Ngilgale, muaba uvua Yoshuwa ne bena Izrayele basombe. Kubambilabu ne: — Tuetu aba tudi bafume mu ditunga dia kule, tudi tunulomba bua kutua nenu ndondu.

1 Samuele 10:8

Pashishe udianjila kupueka ku Ngilgale kumpala kuanyi. Meme nenshishe kukulonda, bua kulambula milambu ya kuosha ne ya bobumue. Ungindile ku Ngilgale matuku muanda mutekete. Pangafika nenkuambile tshiudi mua kuenza.

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.