Yoshua 3:7 - MUKANDA WA MYIDI MUKULU

⁷ Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakambila Yoshua ne, Lelu nembange kukubandisha ku mesu kua Bena Isalele bonso, bua bobo bamanye ne, Nengikale nʼebe bu munakadi ne Mose.

Yoshua 3:7 ပူးပေါင်းရင်းမြစ်များ

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

2 Kulondolola 1:1

Shelomu, muana wa Davide, uvua mukoleshe bukalenga buende bimpe. Maweja-Nangila Mvidi Mukulu uvua umuambuluisha, bua ikale mukalenga wa lumu lunene.

Yobe 7:17

Udi wangata muntu ne mushinga bua tshinyi? Udi uteka muoyi webe kudiye bua tshinyi?

Misambu 18:35

Udi undongesha mvita, undeja mundi mua kunana buta.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

Yoshua 1:17

Netutumikile diyi diebe menemene, bu mutuvua tutumikila dia Moshe. Maweja-Nangila Mvidi Mukulu webe neikale nebe bulelela, bu muvuaye ne Moshe.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 3:6

Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.

Yoshua 3:8

Kadi wewe ambila batuangaji badi bambula mushete wa ndondu ne: padibu bafika ku muelelu wa Yardene, babuele mu mayi, bimane.

Yoshua 4:14

Dituku adi, Maweja-Nangila kujadika bumfumu bua Yoshuwa ku mesu kua bena Izrayele bonsu. Matuku onsu avua Yoshuwa mulale panu, bena Izrayele bavua bamunemeka bu muvuabu banemeka Moshe.