Yoshua 3:6 - MUKANDA WA MYIDI MUKULU

⁶ Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yoshua wakambila bakuidi ne, Ambulai mushete wa tshihungidi tshia mei, nusabuke ku mpala kua bantu. Bakambula mushete wa tshihungidi tshia mei, bakaya ku mpala kua bantu.

Yoshua 3:6 ပူးပေါင်းရင်းမြစ်များ

1 Bakalenga 8:3

Bakulu ba bena Izrayele bamane kufika, batuangaji kuambula mushete wa ndondu.

2 Kulondolola 5:4

Bakulu ba bena Izrayele kufika bua kushindikija bena Levi bavua bambula mushete wa ndondu.

Mika 2:13

Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Dibadika 10:33

Bena Izrayele kumuangala ku mukuna wa Maweja-Nangila, kuenda matuku asatu. Mushete wa ndondu uvua mubadianjidile bua kubaleja muaba uvuabu mua kuasa mitanda yabu bimpe.

Dibadika 14:15

Kadi mpindiewu wewe mubutule bena Izrayele bonsu musangu umue, bisamba bikuabu bivua bimane kumvua lumu lua bukole buebe, nebiambe ne:

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Yoshua 3:3

bambila bantu ne: — Panudi numona batuangaji ba bena Levi bambule mushete wa ndondu wa Maweja-Nangila Mvidi Mukulu wenu, numuangale bonsu muaba awu, nubatue mu nyima.

Yoshua 3:5

Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

Yoshua 6:6

Yoshuwa, muana wa Nune, kubikila batuangaji, ubambila ne: — Ambulayi mushete wa ndondu wa Maweja-Nangila pa makaya. Bantu muanda mutekete ba kunudi badianjile kupita kumpala kua mushete wa ndondu, benda bela mpungi.