Yoshua 3:5 - MUKANDA WA MYIDI MUKULU

⁵ Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yoshua wakambila bantu ne, Nudijidile, bualu bua makelela Yehowa nênze malu a kukema munkatshi muenu.

Yoshua 3:5 ပူးပေါင်းရင်းမြစ်များ

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Misambu 77:15

Wewe nkayebe ke udi wenza malu a dikema, udi muleje bisamba bikuabu bumfumu buebe,

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Yowele 2:16

Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 20:7

“Nuikale bantu ba tshijila. Bualu meme ndi Maweja-Nangila Mvidi Mukulu wenu.

Dibadika 11:8

Butuku mana avua amata mu mitanda ne lumuma musangu umue. Dinda, bena Izrayele bavua baye kuangula, baapela pankatshi pa mabue abidi, nansha baatua mu tshinu. Pashishe bavua baalamba mu ngesu, nansha baenza mikata. Avua ne muenya bu wa mikata milamba ne mafuta.

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Yoshua 3:13

Padi batuangaji badi bambula mushete wa tshijila, babuela mu Yardene, diakamue mayi awu neakosoloke. Mayi a ku mutu neimane dibula.

Yoshua 3:15

Tshikondu atshi tshivua tshia kunowa biakudia. Ke tshivua musulu wa Yardene uwula bikole, mayi apita pa bibungubungu. Nanku anu batuangaji batue makasa mu mayi,

Yoshua 3:4

Ke munudi mua kumanya njila wa kulonda. Katshia kanuvua banji kupitshila muaba ewu to. Kadi kanusemenyi pabuipi ne mushete wa ndondu to. Nuikale bashilangane nawu misangu yonsu, mutantshi wa kilometre bu umue.

Yoshua 3:6

Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

1 Samuele 16:5

Samuwele kuandamuna ne: — Eyowa, ndi mufike bua kulambula Maweja-Nangila mulambu. Nanku, nujikije mikiya yonsu inudi nayi, bua tuye nenu. Samuwele kubikidisha kabidi ne Ishayi ne bana bende ba balume, bua bajikije mikiya yabu, badisanga nende ku mulambu.