Yoshua 3:16 - MUKANDA WA MYIDI MUKULU

¹⁶ ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ hashishe mai akadi ahueka ku mutu akimana, akimana dibula kule ku Adama, musoko udi ku luseke lua Saletana, ne mai a kumanda akadi ahueka ku dishiha dia Alabâ, ku Dishiba dia Luehu, akahanduluka; ne bantu bakasabuka buludiludi ne Yeleko.

Yoshua 3:16 ပူးပေါင်းရင်းမြစ်များ

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

1 Bakalenga 4:12

Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

1 Bakalenga 7:46

Bavua bengulula biamu ebi munda mua buloba mu tshibandabanda tshia Yardene, pankatshi pa musoku wa Sukote ne wa Sartane,

Misambu 114:3

Mayi manene amona bena Izrayele, kukosolokawu. Musulu wa Yardene kupingana tshianyima.

Misambu 114:5

Wewe mayi manene, tshiudi unyemena ntshinyi? Wewe musulu wa Yardene, tshiudi upingena tshianyima ntshinyi?

Misambu 29:10

Maweja-Nangila udi uleja pa mayi manene mudiye mfumu, mudi bukalenga buende bua kashidi.

Misambu 33:7

Udi usangisha mayi manene muaba umue. welela mayi manene nkila.

Misambu 66:6

Uvua mupandile bantu njila mu mayi manene. Bantu kusabuka musulu ku makasa. Tusanke, tukatshile malu ende a dikema.

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Misambu 77:19

Munkatshi mua mikungulu ya mvula, mipenya ivua ikuatshisha bantu bowa, buloba buvua buzakala ne bowa.

Misambu 78:13

Uvua mupande njila mu mayi manene bua kusabukabu, uvua muimanyike mayi bu tshimana.

Ekesode 14:21

Butuku abu, Moshe kuolola tshianza pa mayi manene. Butuku bujima Maweja-Nangila kutuma tshipepela tshikole, tshifumina luseke ludi diba dipatukila. Tshipepela atshi kupandulula mayi manene, buloba buma kumueneka.

Ekesode 14:22

Mayi awu, kupanduluka bu tshimana ku dia balume, tshikuabu ku dia bakaji. Bena Izrayele kusabuka ku makasa kume.

Ekesode 14:29

Kadi bena Izrayele bavua bapita munkatshi mua mayi manene ku makasa kume, mayi mimane bu tshimana ku dia balume, tshikuabu ku dia bakaji.

Ekesode 15:8

Ku bukole bua tshiji tshiebe, mayi kudisanga muaba umue. Mavuala onsu kukuatakana bu tshimana, mayi menza dibue munkatshi mua mayi manene.

Yeshaya 50:2

Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Yezekiyele 47:8

Muntu kungambila ne: — Muenji wa mayi ewu udi uya ku luseke ludi diba dipatukila lua ditunga, upueka mu tshibandabanda tshia musulu wa Yardene, udiela mu Mayi manene a luepu. Padi mayi awu abuela mu Mayi manene aa, adi aalengeja, ashale mimpe.

Nahume 1:4

Udi ukanyina mayi manene, uuma. Udi ukamisha misulu yonsu. Mpata mimpe ya mu Bashane ne mitshi ya mu mukuna wa Karmele bidi bifuba. Bilongu bidi pa mukuna wa Lebanone bidi bipopoka.

Abakuke 3:8

Maweja-Nangila, uudi mufikile munda nnganyi? Ke misulu iudi mutekele tshiji anyi? Ke mayi manene audi mufikile munda anyi? Udi ubanda pa mavuba, bu pa ditempu, didi nyama ya tubalu ikoka, bua uye kutshimuna baluishi.

Dibadika 34:3

“Kuinshi kua ditunga, mukalu wenu newikale tshipela tshia Tsine, ne ditunga dia bena Edome. Ku luseke ludi diba dipatukila mukalu wenu neubange kuinshi menemene kua Mayi manene a luepu.

Dielulula 1:1

Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

Dielulula 3:17

Mikalu idi luseke ludi diba dibuelela, idi ilonda tshibandabanda tshia Yardene, biangatshile ku dijiba dia Ngenesarete too ne ku Mayi manene a luepu, too ne ku mukuna wa Pisga, luseke ludi diba dipatukila.

Yoshua 12:3

Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Yoshua 15:2

Mukalu wabu wa kuinshi uvua utuadija kuinshi kua Mayi manene a luepu.

Yoshua 16:7

Pashishe uvua upueka ku Atarote ne ku Nara, ufika ku Yeriko, ushikidila ku musulu wa Yardene.

Yoshua 3:13

Padi batuangaji badi bambula mushete wa tshijila, babuela mu Yardene, diakamue mayi awu neakosoloke. Mayi a ku mutu neimane dibula.

Yoshua 4:22

nubumvuije muvua bena Izrayele basabuka musulu wa Yardene ku makasa kume.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Balombodi 7:22

Pavua bena mvita abu nkama isatu bela mpungi, Maweja-Nangila uvua usaka bena Madiyane bua bashipangane nkayabu mu mitanda yonsu. Ku nshikidilu, bena Madiyane bavua bashala, kunyema too ne ku Bete-Shita luseke lua ku Sereda, nansha too ne ku tshimenga tshia Abele-Mekola, pabuipi ne Tabate.