Yoshua 24:25 - MUKANDA WA MYIDI MUKULU

²⁵ Dituku adi, Yoshuwa kutua ndondu ne bena Izrayele ku Shekeme. Kubajadikilaye meyi ne mikenji bia nsombelu muimpe.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yoshua wakahunga dî ne bantu dituku adi, wakabajadikila mukenji ne dî dijadika mu Shekeme.

Yoshua 24:25 ပူးပေါင်းရင်းမြစ်များ

Genese 35:4

Nanku bantu bonsu kumupesha mpingu yonsu ivua ileja mvidie ya bisamba bikuabu ivuabu nayi, kumupesha kabidi ne tukanu tua ku matshi tavuabu natu. Yakobe kubijika bionsu muinshi mua mutshi wa lusanga udi pabuipi ne tshimenga tshia Shekeme.

2 Bakalenga 11:17

Mutuangaji Yoyada, kufikisha mukalenga Yowashe pamue ne bena Izrayele bonsu ku ditua ndondu ne Maweja-Nangila. Bua ndondu awu, bena Izrayele kuitaba bua kuikala bantu ba Maweja-Nangila. Mutuangaji kufikisha kabidi mukalenga Yowashe ku ditua ndondu ne bantu bende bena Izrayele.

2 Kulondolola 15:12

Kuditshipabu kumpala kua bantu bonsu, bua kukumbaja ne muoyi wabu onsu, ne bukole buabu buonsu, tshidi Maweja-Nangila Mvidi Mukulu wa bankambua babu ujinga.

2 Kulondolola 15:15

Bukalenga bua bena Yuda buvua ne disanka, bualu bantu bavua balaya nanku ne muoyi wabu mujima. Bonsu bavua bakeba Maweja-Nangila ne musangelu. Yeye kabidi uvua mudifile kudibu, mubapeshe ditalala ku mikalu yabu yonsu.

2 Kulondolola 23:16

Mutuangaji Yoyada kutua ndondu, pamue ne mukalenga Yowashe, kabidi ne bena Izrayele bonsu, bua bonsu bikale tshiakabidi bantu ba Maweja-Nangila.

2 Kulondolola 29:10

Kadi meme ndi musue kutua ndondu ne Maweja-Nangila Mvidi Mukulu wa Izrayele, bua kutuyishaye tshiji tshiende tshikole tshivuaye mutukuatshile.

Ekesode 15:25

Moshe kusengelela Maweja-Nangila. Maweja-Nangila kumuleja tshitupa tshia mutshi. Moshe kutshiela mu mayi. Bululu mu mayi kujika. Ke muaba uvua Maweja-Nangila mupeshe bena Izrayele meyi ne mikenji biende, mubatete kabidi.

Ekesode 24:3

Moshe kupueka bua kumanyisha bantu meyi ne mikenji bivua Maweja-Nangila mumuambile. Bantu bonsu kuitaba ne: — Netuenze bionsu bidi Maweja-Nangila muambe.

Dielulula 29:1

Moshe kubikila bena Izrayele bonsu, kubambila ne: — Panuvua mu Ejipitu, nuvua badimuene muvua Maweja-Nangila mukengeshe mukalenga wa bena Ejipitu, balombodi ba mu bukalenga buende, ne bantu bonsu.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

Yoshua 24:26

Kufundaye meyi ne mikenji abi mu mukanda wa mikenji wa Mvidi Mukulu. Pashishe kuangataye dibue dinene, kudimanyikaye muinshi mua mutshi wa lusanga, muaba wa tshijila wa Maweja-Nangila.