Yoshua 23:7 - MUKANDA WA MYIDI MUKULU

⁷ Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.

Mukanda wa Nzambi Dihungila Dikulukulu ne Dihungila Dihia-dihia 2003

⁷ kanubuelakanyi ne bisamba ebi bidi bishala munkatshi muenu; kanutedi mena a nzambi yabo, kanuditshihi kudiyi, kanuyikuatshidi mudimu, kanuyikukuidi;

Yoshua 23:7 ပူးပေါင်းရင်းမြစ်များ

2 Bakalenga 17:12

Nanku, bena Izrayele kabavua banemeka diyi dia Maweja-Nangila to, bualu bavua anu batendelela mvidie iwaye mubakandike.

2 Bakalenga 5:18

Kadi ndi ndianza kulomba Maweja-Nangila bua amfuile luse, bualu padi mfumuanyi, mukalenga wa bena Siriya, ubuela mu nzubu wa mvidie wende Rimone bua kutendelela, ndi ne bua kuinama panshi musangu umue nende, bualu utu unshindamena pa dikaya. Nanku Maweja-Nangila amfuile luse pandi ngenza mushindu awu.

2 Kulondolola 7:19

Kadi, wewe muntombokele, kuyi ukumbaja meyi ne mikenji bianyi bimvua mukupeshe, wewe mutendelele mvidie mikuabu, wewe muyituile binu bua kuyikukuila,

Misambu 16:4

Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 23:33

Kanusombi nabu ditunga dimue, bualu badi mua kunulongesha bua nuenu kuntombokela, kutendelela mvidie yabu.”

Nsumuinu 4:14

Kuidikiji malu mabi adi bantu benza. Kulondi njila ya benji ba malu mabi.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Dibadika 32:38

Nebo, Baale-Meyone, bivuabu bamane kukudimuna dina. Pashishe kuasabu kabidi Sibma. Bimenga bikuabu bivuabu base, kubinyikabu mena mapiamapia.

Dibadika 33:55

Panudi kanuyi bipate bena ditunga bonsu, badi bashale nebanukengeshe bikole, bu mudi misona itua mu disu, nansha bu mudi dieba ditua mu nyima. Pashishe nebanukengeshe mu ditunga dinudi nuya kusomba.

1 Korente 15:33

Kanudishimi: “Panudi nuenda ne balunda babi, nenunyanguke.”

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Dielulula 6:14

Kadi kanukukuidi mvidie mikuabu, mvidie ya bisamba binudi nabi mutumba.

Yoshua 23:12

Nuenu babenge Maweja-Nangila, bumvuangane ne bantu ba bisamba bikuabu batshidi bashale munkatshi muenu, nuenu basele bana babu ba bakaji, babuelakane nabu, bobu babuelakane nenu,

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.