Yoshua 22:6 - MUKANDA WA MYIDI MUKULU

⁶ Pashishe Yoshuwa kubela lupemba, kulayangana nabu, bua bapingane kuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku Yoshua wakabandisha a disanka, wakalayangana nʼabo; bakaya ku ntenta yabo.

Yoshua 22:6 ပူးပေါင်းရင်းမြစ်များ

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Genese 47:10

Yakobe mumane kulayangana ne mukalenga wa bena Ejipitu, kumukaye mu nzubu wa bukalenga.

Genese 47:7

Yozefe kuya kuleja kabidi tatuende Yakobe kudi mukalenga wa bena Ejipitu. Yakobe kuela mukalenga wa bena Ejipitu muoyi ne kanemu.

2 Samuele 6:18

Davide mumane kujikija kulambula milambu, kuelaye bantu bonsu lupemba mu dina dia Maweja-Nangila wa bena Izrayele.

2 Samuele 6:19

Pashishe Davide kuabanyina bena Izrayele bonsu, balume ne bakaji, biakudia. Muntu yonsu kupeta diampa dipepela, mukata muenza ne bimuma bia date, mukuabu muenza ne tumuma tua mvinyo tumane kuuma. Ke muntu yonsu kupingana ku nzubu kuende.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

2 Kulondolola 30:18

Bantu ba bungi, nangananga ba mu tshisamba tshia bena Efrayime, tshia bena Menashe, tshia bena Isakare, ne tshia bena Zebulone, kaba-vua bumushe mikiya yabu to. Kadi bavua amu badia biakudia bia tshibilu tshia Dipita dia Maweja-Nangila, kabayi banemeka meyi adibu bafunde mu mukanda wa mikenji. Kadi Izkiya kulombela bantu abu kudi Maweja-Nangila, wamba ne:

Ekesode 39:43

Moshe kubandila mudimu uvua bena Izrayele benza. Kumonaye ne bavua bawenze anu bu muvua Maweja-Nangila muambe. Nanku, kubelaye lupemba.

Luke 2:34

Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Luke 24:50

Pashishe Yezu kumuka nabu mu tshimenga, kuya pabuipi ne Betanya. Aku kuelaye bianza mulu, ubela lupemba.

Yoshua 14:13

Yoshuwa kuela Kalebe, muana wa Yefune, lupemba, kumupesha tshimenga tshia Ebrone.

Yoshua 24:28

Ke Yoshuwa kumuangalaja bantu. Muntu yonsu kupingana mu buende buloba.

1 Samuele 10:25

Ke Samuwele kubadila bantu bidi bantu ne bua kuenzela mukalenga, ne bidi mukalenga ne bua kuenzela bantu. Kufundaye bionsu abi mu mukanda, kuutekaye mu nzubu wa Mvidi Mukulu. Pashishe kutangalajaye bena Izrayele, kupinganabu kuabu.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

1 Samuele 2:20

Mutuangaji Eli mumane kuela Elkana ne mukajende Ane lupemba, kuambilaye Elkana ne: — Maweja-Nangila akuambuluishe, ulele bana bakuabu ne mukaji ewu, bua bapingane pa muaba wa muana udiye mulambule Maweja-Nangila. Ke Elkana ne mukajende, kupingana kuabu ku Rama.