Yoshua 22:5 - MUKANDA WA MYIDI MUKULU

⁵ Kadi nukumbaje bimpe mikenji yonsu ivua Moshe, muntu wa Maweja-Nangila, munuambile ne: nunange Maweja-Nangila Mvidi Mukulu wenu, nuenze bionsu bidiye musue, nukumbaje mikenji yende. Nuitabe amu Maweja-Nangila, numuenzele mudimu ne muoyi mujima, ne bukole buenu buonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuikale ne dinanukila dia kutumikila mei ne mikenji biakanuambila Mose, muntu wa Yehowa, bua kusua Yehowa, Nzambi wenu, ne bua kuenda mu nshila yandi yonso, ne bua kutumikila mikenji yandi, ne bua kulamata kudiye, ne bua kumukuatshia mudimu ne mitshima yenu yonso ne mioyo yenu yonso.

Yoshua 22:5 ပူးပေါင်းရင်းမြစ်များ

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 78:7

Bua bana batekemene kudi Mvidi Mukulu, kabayi bapua muoyi bidiye mubenzele, ne bua balame meyi ende.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Matayi 22:37

Yezu kumuandamuna ne: — “Unange Maweja-Nangila Mvidi Mukulu webe ne muoyi webe mujima, ne bukole buebe buonsu, ne lungenyi luebe lujima.”

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Luke 1:74

mumulaye bua kutupikula ku bumfumu bua bena lukuna betu, ne kubambuluisha bua tumuenzele mudimu katuyi ne bowa,

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Yowanane 14:15

— Panudi nunnanga, nenutumikile mikenji yanyi.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 11:22

Eyowa, nukumbaje mikenji yonsu indi nnuambila. Nunange Maweja-Nangila Mvidi Mukulu wenu. Nuitabe bionsu bidiye unuambila, numulamate.

Dielulula 13:4

kanumuitabi to. Bualu Maweja-Nangila Mvidi Mukulu wenu, udi unuteta bua kujadika ne: nudi bamunange ne bukole buenu buonsu, kabidi ne muoyi wenu mujima anyi?

Dielulula 4:29

Diba adi, mu matunga aa, nenukebe Maweja-Nangila Mvidi Mukulu wenu. Kadi bua nuenu kumupeta, anu nuenu bamukebe ne muoyi mujima ne bukole buenu buonsu.

Dielulula 4:4

Kadi nuenu bavua balamate Maweja-Nangila Mvidi Mukulu wenu, nutshidi bonsu ne muoyi too ne lelu.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Dielulula 5:10

Kadi bantu badi bannanga meme, bitaba meyi anyi, ndi mbafuila luse too ne ku ndelanganyi tshinunu.

Dielulula 6:17

Nuitabe ku meyi, nukumbaje mikenji yende, bivuaye munuambile.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

1 Samuele 12:20

Samuwele kuandamuna ne: — Kanutshinyi to. Bulelela, nudi bamane kuenza tshilema etshi tshinene. Kadi kanumuki kabidi kudi Maweja-Nangila to. Numuenzele anu mudimu ne muoyi mujima.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.