Yoshua 22:4 - MUKANDA WA MYIDI MUKULU

⁴ Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Katataka Yehowa, Nzambi wenu, wakaha bana benu dikisha bu muakabambileye; nunku nuhingane, yai bienu ku ntenta yenu, ku buloba bua buhianyi buenu, buakanuha Mose, muntu wa Yehowa, dishiya dia Yadene.

Yoshua 22:4 ပူးပေါင်းရင်းမြစ်များ

1 Kulondolola 22:18

— Maweja-Nangila Mvidi Mukulu wenu, kena nenu anyi? Katshia Mvidi Mukulu wafila bena ditunga edi mu bianza bianyi, nuakapeta bupole nseke yenu yonsu. Mpindiewu badi ku bumfumu bua Maweja-Nangila ne bua bantu bende.

Ekesode 33:14

Maweja-Nangila kuandamuna Moshe ne: — Meme nkayanyi nenkulombole; neutshimune.

Dibadika 32:18

Amu patuafikisha bena Izrayele mu Kenaane, bobu bamane kupeta bonsu muaba wa kuasa, netupingane kuetu.

Dielulula 12:9

Nuenu kanuena banji kufika mu ditunga didi Maweja-Nangila ne bua kunupa, bua nusombemu talala.

Dielulula 29:8

Nanku nuvuluke ndondu wenu ne Maweja-Nangila, nukumbaje bidi ndondu awu unulomba, bua nuikale bena diakalenga mu bionsu binudi nuenza.

Dielulula 3:20

Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

Ebrewu 4:8

Bualu, bu Yoshuwa mupeteshe bantu muaba wa kuikisha ewu, Mvidi Mukulu kavua mua kutela kunyima kua bidimu dituku dikuabu.

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 12:6

Moshe ne bena Izrayele bavua batshimuna bakalenga aba babidi mu mvita. Moshe, muntu wa Maweja-Nangila, uvua mumane kufila matunga abu kudi bena Rubene, bena Ngade, ne kudi tshitupa tshia bena Menashe.

Yoshua 13:15

Buloba buvua Moshe muabanyine tshisamba tshia bena Rubene, bilondeshile meku abu, buvua ne mikalu eyi:

Yoshua 13:8

Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.

Yoshua 22:3

Matuku onsu aa too ne lelu, kanuena balekele bana benu bena Izrayele to. Ke munudi batumikile meyi a Maweja-Nangila Mvidi Mukulu wenu.