Yoshua 22:31 - MUKANDA WA MYIDI MUKULU

³¹ Pinase, muana wa mutuangaji Elazare, kubambila ne: — Mpindiewu tudi bamanye ne: Maweja-Nangila udi nenu, bualu kanuena bamuenzele tshilema tshinene tshituvua tutshina. Nanku kanuena bakebele bena Izrayele dinyoka kudi Maweja-Nangila to.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Pinehasa, muana wa Eleazâ, muakuidi, wakambila Bena Lubena ne Bena Gada ne Bena Manashe ne, Lelu tudi bamanye ne, Yehowa udi munkatshi muetu, bualu bua nuenu kanuakenzela Yehowa bualu bubi ebu: katataka nuakasungila Bena Isalele mu tshianza tshia Yehowa.

Yoshua 22:31 ပူးပေါင်းရင်းမြစ်များ

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Ezela 7:5

Buki uvua muana wa Abishuwa, Abishuwa uvua muana wa Pinase, Pinase uvua muana wa Elazare, Elazare uvua muana wa kumpala wa Arone, mutuangaji munene.

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Yoshua 22:30

Mutuangaji Pinase, balombodi ba bena Izrayele, ne bamfumu ba meku a bena Izrayele, bavua ne disanka bua bionsu bivuabu babambile kudi bena Rubene, bena Ngade, ne kudi bena Menashe.

Yoshua 22:32

Pashishe Pinase, muana wa mutuangaji Elazare, ne balombodi ba bena Izrayele, kushiyanganabu ne bena Rubene, ne bena Ngade. Kumukabu mu ditunga dia Ngilaade, bua kupingana mu dia Kenaane. Kuambilabu bena Izrayele bakuabu malu onsu awu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.