Yoshua 22:30 - MUKANDA WA MYIDI MUKULU

³⁰ Mutuangaji Pinase, balombodi ba bena Izrayele, ne bamfumu ba meku a bena Izrayele, bavua ne disanka bua bionsu bivuabu babambile kudi bena Rubene, bena Ngade, ne kudi bena Menashe.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Pinehasa muakuidi, ne bukelenge ba tshisumbu tshia Bena Isalele bakadi ku mutu kua binunu bia Bena Isalele bakadi nʼandi hakunvuabo mei akabambila Bena Lubena ne Bena Gada ne Bena Manashe, bakadi ne disanka.

Yoshua 22:30 ပူးပေါင်းရင်းမြစ်များ

Genese 28:8

Nanku kujadikaye ne: Tatu kena musue bana ba bakaji ba bena Kenaane to.

Estere 1:21

Mukalenga ne balombodi ba mu bukalenga buende kuitaba lungenyi lua Memukane. Mukalenga kukumbaja bivua Memukane muambe.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Yoshua 22:29

Nanku, katuena basue kutombokela Maweja-Nangila, nansha kumubenga. Katuena base tshilambuilu etshi bua kulambuilapu milambu ya kuosha, ya bintu bia mu madimi, nansha milambu mikuabu. Katuena basue kulambula milambu muaba mukuabu, kadi amu pa tshilambuilu tshia Maweja-Nangila Mvidi Mukulu wetu, tshidi kumpala kua muaba wende wa tshijila.

Yoshua 22:31

Pinase, muana wa mutuangaji Elazare, kubambila ne: — Mpindiewu tudi bamanye ne: Maweja-Nangila udi nenu, bualu kanuena bamuenzele tshilema tshinene tshituvua tutshina. Nanku kanuena bakebele bena Izrayele dinyoka kudi Maweja-Nangila to.

Yoshua 22:33

Malu awu kusankisha bena Izrayele. Kuelabu Mvidi Mukulu tuasakidila. Kulekelabu meji avuabu nawu a kuya kuluisha bena Rubene, ne bena Ngade, bua kunyangakaja buloba buabu.

Balombodi 8:3

Nuenu ke bavua Mvidi Mukulu mupeshe mu bianza bakalenga ba bena Madiyane, Orebe ne Zebe. Meme tshiena muanji kuenza bualu bua mushindu ewu to. Diandamuna dia Ngideyone edi kutuyisha tshiji tshia bena Efrayime.

1 Samuele 29:6

Nanku mukalenga Akishe, kubikila Davide umuambila ne: — Bu mudi Maweja-Nangila ne muoyi, ndi mukunange bikole. Mvua mumone ne: udi ukumbana bua tuetu kuya nebe mu mvita. Bualu biangatshile dituku diuvua mufike kuanyi too ne mpindiewu, tshiena muanji kumona wewe muenze bualu bubi to. Kadi, bamfumu bakuabu ba bena Peleshete kabena bakunange to.