Yoshua 22:29 - MUKANDA WA MYIDI MUKULU

²⁹ Nanku, katuena basue kutombokela Maweja-Nangila, nansha kumubenga. Katuena base tshilambuilu etshi bua kulambuilapu milambu ya kuosha, ya bintu bia mu madimi, nansha milambu mikuabu. Katuena basue kulambula milambu muaba mukuabu, kadi amu pa tshilambuilu tshia Maweja-Nangila Mvidi Mukulu wetu, tshidi kumpala kua muaba wende wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Yehowa atukande bua katumutombokedi, katubambuki kudiye, katuhangi kumulonda, ne katuashi tshioshelu tshia milambu ya kuosha ne ya bukula, ne ya nyama mishiha, anu tshioshelu tshia Yehowa, Nzambi wetu, tshidi ku mpala kua tshitendelelu tshiandi.

Yoshua 22:29 ပူးပေါင်းရင်းမြစ်များ

Genese 44:17

Yozefe kuandamuna ne: — Tshiena mua kuenza nanku to. Ndi nkuata amu muntu uvua ne dikopu awu, neashale mupika. Kadi nuenu bonsu pinganayi ne ditalala kudi tatuenu.

Genese 44:7

Bobu kuandamuna ne: — Mukalenga wetu, udi mua kutusonguela nunku munyi? Tuetu kashidi katuena mua kuenza bualu bua nanku to.

1 Bakalenga 21:3

Kadi, Nabote kuandamuna ne: — Maweja-Nangila kena mua kuanyisha bua meme kukupa budimi bua mvinyo bundi mupiane kudi bankambua banyi to.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

2 Kulondolola 32:12

Nangananga Izkiya ewu ki nguvua munyangakaje miaba yonsu ya kutendelela mvidie ne bilambuilubionsu bivuaku anyi? Uvua mukandike bena Yuda ne bena Yerushalayime bua kabatendeledi, kabalambudi milambu muaba mukuabu to, anu pa tshilambuilu tshimue epele tshidimu Yerushalayime!

Rome 3:6

Kabiena nanku nansha! Bualu bu Mvidi Mukulu mua kupila, mmunyi mudiye mua kulumbuluisha bukua panu?

Rome 6:2

Nansha kakese! Tudi bafue bua bubi. Nanku mmunyi mutudi mua kutungunuka kabidi ne dienza dia malu mabi?

Rome 9:14

Nanku netuambe tshinyi? Netuambe ne: Mvidi Mukulu mmuena kansungasunga anyi? Nansha kakese!

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Yoshua 22:23

Patuikala babenge Maweja-Nangila, base tshilambuilu etshi mu dina dietu, bua kulambuilapu milambu ya kuosha, ya bintu bia mu madimi, nansha ya bobumue, anu Maweja-Nangila nkayende atunyoke!

Yoshua 22:26

Ke patudi bashile tshilambuilu etshi muaba ewu. Kadi katuena batshiase bua kulambuilapu milambu ya kuosha, nansha ya mushindu mukuabu to.

Yoshua 22:28

Tuvua bele meji ne: matuku adi kumpala, pikalabu mua kutuambila, nansha kuambila ndelanganyi yetu ne: kanuena ne tshinudi mua kuamba, nebandamune ne: “Monayi mudi bankambua betu base tshilambuilu etshi, anu mushindu umue ne tshilambuilu tshia Maweja-Nangila. Kadi kabavua batshiase bua kulambuilapu milambu ya kuosha, nansha milambu mikuabu. Bavua batshiase bua tshikale tshimanyinu pankatshi petu nenu.”

Yoshua 22:30

Mutuangaji Pinase, balombodi ba bena Izrayele, ne bamfumu ba meku a bena Izrayele, bavua ne disanka bua bionsu bivuabu babambile kudi bena Rubene, bena Ngade, ne kudi bena Menashe.

Yoshua 24:16

Bena Izrayele kuandamuna ne: — Katuena mua kubenga Maweja-Nangila bua kuenzela mvidie mikuabu mudimu!

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.