Yoshua 22:27 - MUKANDA WA MYIDI MUKULU

²⁷ Tudi tujinga bua tshilambuilu etshi tshikale tshimanyinu tshietu nenu ne ndelanganyi yalonda, tshijadike ne: tuetu tudi mua kutendelela Maweja-Nangila, tudi mua kulambula milambu ya kuosha, ya bobumue, nansha ya mushindu mukuabu. Nanku ndelanganyi yenu kayena mua kujadikila yetu ne: kanuena ne tshinudi mua kuamba kumpala kua Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ kadi netshikale bu mumanyi wa bualu hankatshi hetu nʼenu, ne hankatshi ha milongo idi ilonda ku nyima kuetu, bua tuetu kuenzela Yehowa mudimu ku mpala kuandi ne milambu ya kuosha ne milambu yetu ya kuvuisha nʼai ditalala; ne bua bana benu kabambidi bana betu mu matuku alualua ku mpala ne, Nuenu kanuena ne buhianyi kudi Yehowa.

Yoshua 22:27 ပူးပေါင်းရင်းမြစ်များ

Genese 31:48

Labane kuamba ne: — Biangatshile ku lelu, mushiki wa mabue ewu udi ujadika ndondu udi pankatshi petu nebe. Ke padibu babikila muaba awu ne: Ngalede. Mmumue ne: mushiki wa mujadiki.

Genese 31:52

Mushiki wa mabue ne dibue edi bidi bijadika ne: Meme ne wewe katuena mua kusambuka mabue aa ne meji a kuenzelangana bibi to.

Misambu 16:5

Maweja-Nangila, wewe ke undi nende, bindi nkengela ndi mbipeta kuudi. Ndi mu bianza biebe kashidi.

Yeshaya 19:19

Dituku adi, munkatshi mua ditunga dia Ejipitu, nemuikale tshilambuilu tshijidila mu dina dia Maweja-Nangila. Ku mikalu ya ditunga nebimanyike dibue bua kunemeka Maweja-Nangila.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Yoshua 22:10

Patshi wabu mu ditunga dia Kenaane, bafika ku muelelu wa Yardene, kuasabu tshilambuilu pabuipi ne musulu awu. Tshivua tshinene, tshikemesha bantu bonsu.

Yoshua 22:26

Ke patudi bashile tshilambuilu etshi muaba ewu. Kadi katuena batshiase bua kulambuilapu milambu ya kuosha, nansha ya mushindu mukuabu to.

Yoshua 22:28

Tuvua bele meji ne: matuku adi kumpala, pikalabu mua kutuambila, nansha kuambila ndelanganyi yetu ne: kanuena ne tshinudi mua kuamba, nebandamune ne: “Monayi mudi bankambua betu base tshilambuilu etshi, anu mushindu umue ne tshilambuilu tshia Maweja-Nangila. Kadi kabavua batshiase bua kulambuilapu milambu ya kuosha, nansha milambu mikuabu. Bavua batshiase bua tshikale tshimanyinu pankatshi petu nenu.”

Yoshua 22:34

Pashishe bena Rubene ne bena Ngade kuamba ne: — Tshilambuilu etshi tshidi tshitujadikila tuetu bonsu ne: Maweja-Nangila ke Mvidi Mukulu! Nanku kutshinyikabu dina ne: “Mujadiki.”

Yoshua 24:27

Pashishe kuambilaye bena Izrayele ne: — Monayi dibue edi: neditujadikile bualu ebu, bualu nditeleje malu onsu adi Maweja-Nangila mutuambile. Eyowa, dibue edi nedikale tshimanyinu tshidi tshinutuisha, tshinukandika bua kanulekedi Mvidi Mukulu wenu.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”