Yoshua 22:24 - MUKANDA WA MYIDI MUKULU

²⁴ Kadi katuvua ne meji awu to. Tshilambuilu etshi, katuvua batshiase tshianana to. Tudi batshiase, bualu tuvua ne bowa, tuela meji ne: matuku adi kumpala, ndelanganyi yenu neyikonke yetu ne: “Tshidi tshileja ne: nudi numvuangana ne Maweja-Nangila Mvidi Mukulu wa bena Izrayele, ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Tuakenza bualu ebu tuela meji ne, Halua matuku makuabo bana benu nebakonke bana betu ne, Nuenu nudi ne Yehowa, Nzambi wa Isalele, bualu, anyi?

Yoshua 22:24 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Genese 30:33

Pashishe neujadike ne: ndi muntu muakane, anu pawafika bua kutangila bimuna bingikala muangate bua difutu dianyi. Wewe musangane mbuji udi kayi ne matoba anyi udi kayi ne mipolu pambidi, nansha mukoku udi kauyi mufike, nengikale muivi.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Dielulula 6:20

Dituku dikuabu, padi bana benu banukonka ne: “Maweja-Nangila, Mvidi Mukulu wetu, mmunuelele meyi ne mikenji ebi bua tshinyi?”

Yoshua 22:23

Patuikala babenge Maweja-Nangila, base tshilambuilu etshi mu dina dietu, bua kulambuilapu milambu ya kuosha, ya bintu bia mu madimi, nansha ya bobumue, anu Maweja-Nangila nkayende atunyoke!

Yoshua 22:25

Bualu Maweja-Nangila nkayende mmumane kuteka Yardene bu mukalu pankatshi petu nenu. Nanku nuenu bena Rubene ne bena Ngade, kanuena ne tshinudi mua kuamba kumpala kua Maweja-Nangila to.” Diba adi ndelanganyi yenu idi mua kukandika yetu bua kayitendeledi Maweja-Nangila.

Yoshua 4:6

Mabue aa neanu-vuluije bionsu bivua binuenzekela muaba ewu. Nanku mu matuku adi kumpala, padi bana benu banukonka ne: Mabue aa avua a tshinyi,