Yoshua 22:18 - MUKANDA WA MYIDI MUKULU

¹⁸ Monayi mpindiewu, nudi nubenga Maweja-Nangila! Panudi nutombokela Maweja-Nangila lelu, maloba neafikile bena Izrayele bonsu munda!

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ nuenu nudi basue kuhambuka lelu ne kuhanga kulonda Yehowa, anyi? Binuatombokela Yehowa lelu, makelela yeye neakuatshile tshisumbu tshionso tshia Bena Isalele tshiji.

Yoshua 22:18 ပူးပေါင်းရင်းမြစ်များ

2 Samuele 24:1

Dituku dikuabu, Maweja-Nangila kufikila kabidi bena Izrayele munda. Kuenzejaye Davide bualu buvua ne bua kukebela bantu makenga, bualu Davide uvua mupete meji a kubadika bena Izrayele ne bena Yuda.

1 Bakalenga 9:6

Kadi wewe Shelomu ne bantu bebe bena Izrayele, ne ndelanganyi yenu, panuikala nuenu bantombokela, kanuyi bakumbaje meyi anyi ne mikenji yanyi bimvua munuambile, nuenu nutendelela mvidie mikuabu, nuenu bayituile binu bua kuyikukuila,

2 Bakalenga 17:21

Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

1 Kulondolola 21:1

Dituku dikuabu, Satane kukeba mua kuenzela bena Izrayele bibi. Kufikishaye Davide ku dibadika dia bena Izrayele.

1 Kulondolola 21:14

Maweja-Nangila kutumina bena Izrayele tshipupu tshia disama dia tshiambu tshikole. Bena Izrayele kufua binunu makumi muanda mutekete.

2 Kulondolola 25:27

Tshikondu tshivua Amashiya mutuadije kubenga Maweja-Nangila, bantu ba mu Yerushalayime kuelelabu Amashiya tshifufu tshibi. Dituku dikuabu, Amashiya kunyema, kuya mu musoku wa Lakishe. Kadi, kumulondakajabu mu musoku awu, kumushipelamu.

2 Kulondolola 34:33

Yoshiya kujikija buenzayi buvua butampakana mu buloba bua bena Izrayele. Kuambilaye bantu bonsu, bua batendelele Maweja-Nangila Mvidi Mukulu wabu. Nanku, patshivua mukalenga Yoshiya ne muoyi, muntu nansha umue kavua mubenge Maweja-Nangila Mvidi Mukulu wa bankambua babu to.

Lewitiki 10:6

Moshe kubikila Elazare ne Itamare, bana ba balume ba Arone, pamue ne Arone mene. Kubambilaye ne: — Kanuteki madilu to. Longololayi nsuki yenu bimpe. Kanupandi bilamba bienu, bu bantu badi mu madilu, bualu nudi mua kufua, kabidi Maweja-Nangila udi mua kufikila bantu bonsu munda. Kadi bena Izrayele bakuabu bonsu bateke madilu bua bantu bavua Maweja-Nangila mushidishe ne kapia.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Dibadika 32:15

Nuenu bena Rubene ne bena Ngade, panudi nutombokela Maweja-Nangila, yeye neashiye bena Izrayele bonsu mu tshipela, babutukilamu ku tshilema tshienu.

Dielulula 7:4

Bualu bantu ba bisamba bikuabu aba, badi mua kutombola ndelanganyi yenu, bua nubenge Maweja-Nangila, nutendelele mvidie mikuabu. Diba adi, Maweja-Nangila neanufuile munda, anubutule musangu umue.

Yoshua 22:15

Kuyabu mu ditunga dia Ngilaade, muaba uvua bisamba bia bena Izrayele bivua luseke ludi diba dipatukila lua Yardene. Kuyukilabu nabu,

Yoshua 22:16

mu dina dia bena Izrayele bonsu, babakonka ne: — Nudi benzele Mvidi Mukulu wa bena Izrayele tshilema tshinene nenku bua tshinyi? Mpindiewu, nudi balekele kutumikila Maweja-Nangila bua tshinyi? Panudi base tshilambuilu etshi mu dina dienu, nudi batombokele Maweja-Nangila.

Yoshua 22:20

Pavua Akane, wa ku ndelanganyi ya Zera, muenze tshilema tshinene, muangate bintu bikandika, Maweja-Nangila uvua mufikile bena Izrayele bonsu munda, mubakengeshe. Nuenu nudi bamanye bualu ebu! Kabidi, Akane kena mufue nkayende bua bubi buende to.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.

Yoshua 7:21

mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

1 Samuele 12:14

Mpindiewu, nenuikale bena diakalenga anu panuikala banemeka Maweja-Nangila Mvidi Mukulu wenu, numuenzela mudimu, numutumikila kanuyi numutombokela, nukumbaja mikenji yende, nuenu ne mukalenga wenu, numulonda.

1 Samuele 12:20

Samuwele kuandamuna ne: — Kanutshinyi to. Bulelela, nudi bamane kuenza tshilema etshi tshinene. Kadi kanumuki kabidi kudi Maweja-Nangila to. Numuenzele anu mudimu ne muoyi mujima.