Yoshua 22:15 - MUKANDA WA MYIDI MUKULU

¹⁵ Kuyabu mu ditunga dia Ngilaade, muaba uvua bisamba bia bena Izrayele bivua luseke ludi diba dipatukila lua Yardene. Kuyukilabu nabu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakalua kudi Bena Lubena ne Bena Gada ne tshituha tshia tshisamba tshia Bena Manashe mu buloba bua Gilada, bakabambila ne,

Yoshua 22:15 ပူးပေါင်းရင်းမြစ်များ

1 Kulondolola 21:3

Yowabe kuandamuna ne: — Mukalenga, meme ndi musue Maweja-Nangila avudije bena Izrayele misangu nansha lukama! Lelu bonsu bakadi amu bakuenzela mudimu. Kadi tshiudi ujingila kumanya bungi buabu ntshinyi? Muudi musue kufikishisha bena Izrayele ku dibenga diyi dia Mvidi Mukulu mbishi?

2 Kulondolola 10:19

Ke muvua bisamba bia bena Izrayele bia ku mutu wa ditunga, bibenga bumfumu bua bena nzubu wa Davide nanku. Bisamba ebi bitshidi amu bibubenga ne mpindiewu.

2 Kulondolola 25:27

Tshikondu tshivua Amashiya mutuadije kubenga Maweja-Nangila, bantu ba mu Yerushalayime kuelelabu Amashiya tshifufu tshibi. Dituku dikuabu, Amashiya kunyema, kuya mu musoku wa Lakishe. Kadi, kumulondakajabu mu musoku awu, kumushipelamu.

2 Kulondolola 26:18

Kuimanabu kumpala kua mukalenga Uziya, bamuambila ne: — Mukalenga, kuena mua kulambula Maweja-Nangila milambu ya manananshi to. Mudimu ewu ngwa batuangaji ba ku ndelanganyi ya Arone, badibu bamane kujidila bua mudimu ewu. Patuka muaba wa tshijila ewu, bualu udi wenza bidi Maweja-Nangila ubenga. Biudi wenza kabiena mua kukupesha lumu ku mesu kua Maweja-Nangila Mvidi Mukulu to.

2 Kulondolola 28:13

Kukandikabu bena mvita abu ne: — Kanufiki ne bena lukanu abu munemu to. Nenutupeteshe tshilumbu tshinene kudi Maweja-Nangila. Tukadi bena tshibawu tshinene. Nulekele kutukebela tshibawu tshikuabu. Kanuena bamanye ne: Maweja-Nangila mmufikile bena Izrayele munda bikole anyi?

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Ezela 9:2

Bavua basele bakaji ba mu ditunga edi, baselele babu bana ba balume bakaji ba bena bisamba abi. Nanku bantu ba tshijila mbamane kubuelakana ne bena ditunga. Bamfumu ne balombodi ba bantu ke bavua ba kumpala ku dienza bualu bubi bua mushindu ewu.

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Ekesode 32:8

Kabena bitabe tshimvua mubambile. Mbenze lupingu lua kana ka ngombe lua tshiamu tshia mpawungi. Badi balutuila binu, badiambula milambu, bamba ne: “Ke mvidie wetu uvua mutupatule mu Ejipitu ewu.”

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Lewitiki 26:40

“Kadi badi bashala ne muoyi abu, nebashishe kujadika muvuabu bangenzele bibi bitambe, ne mudibu, bobu ne bankambua babu, bantombokela.

Lewitiki 5:19

Ewu ke mulambu wa dinua tshibalu bua muntu yonsu udi mubunde tshibawu kudi Maweja-Nangila.’’

Dibadika 14:43

Bena Amaleke ne bena Kenaane badi kunuyaya aku. Nebanubutule bonsu mu mvita. Maweja-Nangila kakuikala nenu to, bualu nudi bamubenge.

Dibadika 32:15

Nuenu bena Rubene ne bena Ngade, panudi nutombokela Maweja-Nangila, yeye neashiye bena Izrayele bonsu mu tshipela, babutukilamu ku tshilema tshienu.

Dibadika 5:6

bua amanyishe bena Izrayele ne: — Muntu yonsu, mulume nansha mukaji, udi wenzela mukuende bibi, neikale ne tshilumbu tshinene kudi Maweja-Nangila.

Matayi 18:17

Kadi padiye kayi musue kuteleja bantu abu, muanyishe Tshisumbu tshia bena ditaba tshilumbu atshi. Padiye kayi musue kuteleja Tshisumbu tshia bena ditaba, umutangile bu muntu udi kayi witaba Mvidi Mukulu, nansha bu mulambuishi wa bitadi.

1 Korente 1:10

Bana hetu, mu dina dia Mfumu wetu Yezu Kristu, ndi nnulomba ne: umvuanganayi. Kanuabulukianganyi nansha. Nuenze tshintu tshimue menemene. Nuikale ne meji amue, kabidi ne muoyi umue.

1 Korente 5:4

Ke mudi dikosa dia tshilumbu tshiende nenku: nusangile muaba umue. Meme nengikale nenu ku bukole bua Mueyelu mu dina dia Yezu Mfumu wetu.

Dielulula 30:17

Kadi panuabenga kutumikila Maweja-Nangila, panuikala basue kutendelela mvidie, kuyenzela mudimu,

Dielulula 7:4

Bualu bantu ba bisamba bikuabu aba, badi mua kutombola ndelanganyi yenu, bua nubenge Maweja-Nangila, nutendelele mvidie mikuabu. Diba adi, Maweja-Nangila neanufuile munda, anubutule musangu umue.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Yoshua 22:12

Bena Izrayele bumvue nanku, kudisangishabu bonsu ku Silo, bua kuya kuluisha bisamba bia bena Izrayele bivua ku luseke ludi diba dipatukila lua Yardene.

Yoshua 22:14

Kuyabu kumufila kudi balombodi ba bena Izrayele dikumi, mulombodi umue ku tshisamba tshionsu. Balombodi bonsu abu bavua bamfumu ba biota mu bisamba bia bena Izrayele.

Yoshua 22:16

mu dina dia bena Izrayele bonsu, babakonka ne: — Nudi benzele Mvidi Mukulu wa bena Izrayele tshilema tshinene nenku bua tshinyi? Mpindiewu, nudi balekele kutumikila Maweja-Nangila bua tshinyi? Panudi base tshilambuilu etshi mu dina dienu, nudi batombokele Maweja-Nangila.

Yoshua 22:18

Monayi mpindiewu, nudi nubenga Maweja-Nangila! Panudi nutombokela Maweja-Nangila lelu, maloba neafikile bena Izrayele bonsu munda!

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.