Yoshua 21:41 - MUKANDA WA MYIDI MUKULU

⁴¹ Nanku bimenga bionsu bisanga, bivuabu bumushe ku maloba a bena Izrayele bakuabu, bua kubipesha ndelanganyi ya Levi, bivua makumi anayi ne muanda mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bimenga bionso bia Bena Lewi munkatshi mua buhianyi bua Bena Isalele biakadi bimenga makumi anai ne muanda mukulu ne miaba yabi ya ku matshika.

Yoshua 21:41 ပူးပေါင်းရင်းမြစ်များ

Genese 49:7

Ndi mbenga tshiji tshiabu tshikole, ndi mpidia lonji luabu kaluyi luse! Ndi ntangalaja ndelanganyi yabu, munkatshi mua bena Izrayele. Ndi nyimuangalaja mu ditunga dijima.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

Yoshua 21:3

Nanku bena Izrayele kusungula mu maloba abu bimenga, ne mpata ya kudishila bimuna, bua kubipesha bena Levi, bu muvua Maweja-Nangila mumane kuamba.

Yoshua 21:40

Bimenga bivuabu batshinke, bapesha bena meku a Levi ba ku ndelanganyi ya Merari, bivua dikumi ne bibidi.

Yoshua 21:42

Tshimenga tshionsu tshivuabu bababanyine tshivua ne mpata ya kudishila bimuna.